ხელბურთის ევროპულმა ფედერაციამ (FIVB) რუსული და ბელარუსული კლუბები და ნაკრებები მის მიერი ორგანიზებული ტურნირებიდან გაურკვეველი ვადით მოკვეთა, მიზეზი კი ცხადია – რუსული აგრესია უკრაინაში.

ციგურაობის საერთაშორისო ფედერაციამ (ISU) გადაწყვეტილება მიიღო მის მიერ ორგანიზებულ ტურნირებს ჩამოაშოროს რუსი და ბელარუსი სპორტსმენები. აღნიშნული ორგანიზაცია არაერთ სპორტის სახეობას კურირებს. ესენია შორტ-ტრეკი, ციგურებით რბოლა და ფიგურული ციგურაობა.

რუსი სპორტსმენები სპორტის საწყლოსნო სახეობებიდან არ მოკვეთეს, თუმცა უკვე აკრძალეს რუსეთის და ბელარუსის დროშებიცა და ჰიმნებიც.

მსოფლიო მძლეოსნობის საერთაშორისო ორგანიზაცია World Athletics-მა რუსი და უკრაინელი ათლეტები განუსაზღვრელი ვადით მოკვეთა საერთაშორისო ასპარეზიდან. ეს გადაწყვეტილება დაუყოვნებლივ შედის ძალაში, რაც კი იმას ნიშნავს, რომ რუსები და ბელარუსები ვერც World Athletics-ის ჩემპიონატში (დახურულ დარბაზში) მიიღებენ მონაწილეობას, რომელიც ამ თვეში სერბეთში უნდა გაიმართოს.

საერთაშორისო ჩოგბურთის ორგანიზაციებმა (ATP, WTA, ITF, და დიდი სლემის ტურნირები) ერთობლივი განცხადება გააკეთეს სანქციებთან დაკავშირებით. გაუქმებულია ATP-ისა და WTA-ს ერთობლივი ტურნირი კრემლის თასი ოქტომბერში, რომლისთვისაც მოსკოვს უნდა ემასპინძლა. კრემლის თასის მოქმედი ჩემპიონები არიან ასლან კარაცევი (რუსეთი) და ანეტ კონტავეიტი (ესტონეთი).

რუსი ჩოგბურთელები ATP-ისა და WTA-ს ეგიდით ტურნირებზე მონაწილეობას მიიღებენ, მაგრამ ეროვნული სიმბოლიკისა და ჰიმნის გარეშე. რამდენი ხნით გაგრძელდება ეს სანქცია, ჯერ უცნობია

ტაეკვონდოს საერთაშორისო ფედერაციამ პუტინს შავი ქამარი ჩამოართვა, რომელიც 2013 წელს მიანიჭა.

ძიუდოს საერთაშორისო ფედერაციამ ვლადიმერ პუტინს საპატიო პრეზიდენტისა და საერთაშორისო ელჩის სტატუსი შეუჩერა.

ფიფამ და უეფამ რუსეთის ნაკრები და რუსული კლუბები ყველა საერთაშორისო შეჯიბრიდან მოკვეთა.
“ფიფასა და უეფას აღმასრულებელი კომიტეტის მიერ მიღებული გადაწყვეტილებით, ყველა რუსულ გუნდს, იქნება ეს ეროვნული ნაკრები თუ კლუბი, ფიფასა და უეფას ეგიდით გასამართ ტურნირებში მონაწილეობა შეუჩერდათ.скачать dle 12.1