სპორტული შეზღუდვები გრძელდება - რუსეთი კვლავ დასაჯეს

ფიფამ და უეფამ რუსეთის ნაკრები და რუსული კლუბები ყველა საერთაშორისო შეჯიბრიდან მოკვეთა.
“ფიფასა და უეფას აღმასრულებელი კომიტეტის მიერ მიღებული გადაწყვეტილებით, ყველა რუსულ გუნდს, იქნება ეს ეროვნული ნაკრები თუ კლუბი, ფიფასა და უეფას ეგიდით გასამართ ტურნირებში მონაწილეობა შეუჩერდათ.

შერეული საბრძოლო ხელოვნებების საერთაშორისო ფედერაციამ (IMMAF) რუსეთის MMA-ს კავშირსა და ბელორუსიის MMA-ს ფედერაციას წევრობის სტატუსი შეუჩერა. IMMAF გმობს უკრაინაში შეჭრას და აგრესორ ქვეყნებს სანქციებს უწესებს.

რუსები და ბელარუსები საერთაშორისო ფედერაციის მიერ ორგანიზებულ ვერცერთ ტურნირში ვერ მიიღებენ მონაწილეობას. გარდა ამისა, რუსეთსა და ბელარუსში IMMAF-ის ორგანიზებით არცერთი ტურნირი არ ჩატარდება.

რუსეთსა და ბელარუსს სანქციები ტანვარჯიშის საერთაშორისო ფედერაციამაც (FIG) დაუწესა.

7 მარტის შემდეგ ბელარუსი და რუსი ათლეტები მონაწილეობას FIG-ის მიერ ორგანიზებულ ვერცერთ შეჯიბრში ვერ მიიღებენ. აღნიშნული გადაწყვეტილება ასოციაციამ დღეს, 4 მარტს გამართულ საგანგებო შეკრებაზე მიიღო.

ფედერაციამ რუსეთსა და ბელარუსში ჩასატარებელი მსოფლიოს თასი და მსოფლიოს ჩელენჯ ქაფი გააუქმა. ეს გადაწყვეტილებები ძალაში მოვლენათა შემდგომ განვითარებამდე დარჩება.

საერთაშორისო ჩოგბურთის ორგანიზაციებმა (ATP, WTA, ITF, და დიდი სლემის ტურნირები) ერთობლივი განცხადება გააკეთეს სანქციებთან დაკავშირებით. გაუქმებულია ATP-ისა და WTA-ს ერთობლივი ტურნირი კრემლის თასი ოქტომბერში, რომლისთვისაც მოსკოვს უნდა ემასპინძლა.

მსგავსი ვიდეო