მესი გაქურდეს - რა მოპარეს პარიზში არგენტინელ სუპერვარსკვლავს ?

The Sun-ის ინფორმაციით, "პარი სენ-ჟერმენის" ფეხბურთელის, ლიონელ მესის სახლი გაქურდეს.

როგორც აღნიშნული წყარო იტყობინება, კრიმინალებმა ლეოს ნომერში შეღწევა აივნიდან შეძლეს, სადაც ისინი სახურავიდან აღმოჩნდნენ. სათვალთვალო კამერებმა ადგილზე ორი ჩანთიანი მამაკაცი დააფიქსირეს, თუმცა, მათი იდენტიფიცირება, ჯერჯერობით, ვერ ხერხდება.

ინგლისური მედიის თანახმად, 34 წლის ვარსკვლავის ნომრიდან სხვადასხვა სახის ძვირფასეულობაა წაღებული, რომელთა საერთო ღირებულებაც 6 500 ევროს შეადგენს. არგენტინელის ნომრის გარდა, მათ სხვა ნომრებიც გაქურდეს.

პსჟ-ში გადაბარგების შემდეგ, სახლის შერჩევამდე, "ლა პულგა" პარიზში მდებარე სასტუმრო Le Royal Monceau-ში ცხოვრობს.

მსგავსი ვიდეო