როგორც მოგეხსენებათ, "ბარსელონასა" და მსოფლიო ფეხბურთის ბრაზილიელი ლეგენდა, რონალდინიო ამჟამად პარაგვაის ციხეში იმყოფება, სადაც სასჯელს საზღვრის ყალბი პასპორტით გადაკვეთის მცდელობის გამო იხდის.

გაუჩოს გასაჭირმა მთელი მსოფლიო შეძრა და ბევრს გაუჩნდა მისი დახმარების სურვილი.

ამ ფონზე კი ესპანური გამოცემა AS იტყობინება, რომ რონალდინიოს ამ მძიმე მდგომარეობიდან მისი ყოფილი თანაგუნდელი და არგენტინელი მეგავარსკვლავი, ლიონელ მესი გამოიყვანს.

წყაროს თანახმად, ლეო მზადაა 4 მილიონი ევრო გადაიხადოს და გაუჩო ციხიდან გამოიყვანოს. ოქროს ბურთის ექვგზის მფლობელმა უკვე დაიქირავა ადვოკატებიც.

გარდა ამისა, AS გვამცნობს, რომ ლიონელი თავის უფროს მეგობარს ყველა ვალს გადაუხდის, რომელთა საერთო ღირებულება 9 მილიონ ევროს აჭარბებს.скачать dle 12.1