“პარი სენ-ჟერმენის” ყოფილი ფეხბურთელი, ჯორდან დიაკიესე 24 წლის ასაკში გარდაიცვალა. გავრცელებული ინფორმაციით, ის ხუთშაბათს პარიზში დაიღუპა, გარდაცვალების ზუსტი მიზეზი კი ჯერ არ სახელდება.

დიაკიესე პსჟ-ის აკადემიის აღზრდილია. 2017 წელს ის შვეიცარიულ შო-დე-ფონს შეურთდა, 2018 წელს ხორვატულ “რუდეშში” გადავიდა, 2019 წლიდან კი ფრანგული “ფურიანის” ღირსებას იცავდა.

მისი გარდაცვალების შესახებ ინფორმაცია “ფურიანიმ” გაავრცელა. მათ სოციალურ ქსელში განცხადება გამოაქვეყნეს:
“სიტყვებით შეუძლებელია ჩვენი მწუხარების გადმოცემა. მუდამ ჩვენ გულში იქნები. ჩვენ ყოველთვის ვიფიქრებთ შენზე. მშვიდად განისვენე, ჯორდან”, – ვკითხულობთ კლუბის პოსტში.

დიაკიესეს საფრანგეთის სხვადასხვა ასაკობრივ ნაკრებებში უთამაშია. მისი თანაგუნდელები კიმპემბე და ლემარი იყვნენ.скачать dle 12.1