როგორ ეხმაურება მოსკოვის ცეესკა თორნიკე შენგელიას გადაწყვეტილებას - გუნდი განცხადებას აკეთებს

მოსკოვის ცსკა-ს განცხადება:

„რუსეთსა და უკრაინას შორის არსებულ ვითარებასთან და მის შესაძლო შედეგებთან დაკავშირებული ოჯახური და პირადი მიზეზების გამო, თორნიკე შენგელიამ და იფე ლუნდბერგმა ცსკა დატოვეს. უახლოეს მომავალში მარიუს გრიგონისი და იოჰანეს ვოგტმანიც სახლში წავლენ.

მათი ქმედებები კონტრაქტის პირობებისა და საკლუბო წესების დარღვევაა, მაგრამ კლუბი გაგებით ეპყრობა თითოეული მოთამაშის პირად მდგომარეობას. მოთამაშეთა შეთანხმებების სტატუსი მოგვარდება მაშინ, როცა ევროპაში პოლიტიკური და სპორტული ვითარება ნორმალურად დაბრუნდება.

ყველა სხვა დანარჩენი მოთამაშე მომავალი მატჩებისთვის ჩვეულ რიტმში აგრძელებს მომზადებას. კლუბი აკვირდება და ყურადღებას ამახვილებს ყველა იმ სამთავრობო ორგანიზაციებისა და ტურნირების გადაწყვეტილებებზე, რომლებშიც გუნდი მონაწილეობს.“

მსგავსი ვიდეო