ევროპული მედია თორნიკე შენგელიას მოსკოვის ცსკა-ში გადაბარგების შესახებ აქტიურად წერს.

 რამდენიმე გამოცემის ცნობით, ქართველი კალათბურთელი მოსკოვურ კლუბს კონტრაქტის დეტალებზე უკვე შეუთანხმდა და ცსკა-ს საკუთარ მომავალს 3 წლით დაუკავშირებს.  ბერძენი საკალათბურთო ჟურნალისტი, ნიკი ბაკული კი ტვიტერზე წერს, რომ 3-წლიანი კონტრაქტის პირობებით, რუსეთის არმიის ცენტრალური სპორტული კლუბი ქართველ კალათბურთელს 6 მილიონ ევროს გადაუხდის.

 შეგახსენებთ, რომ თორნიკე შენგელია ბასკონიას ღირსებას 2014 წლიდან იცავდა.

ესპანეთის ლიგა ენდესას მიმდინარე სეზონში, ქართველი კალათბურთელის საშუალო მონაგარი 16.6 ქულა, 6.3 მოხსნა, 2.7 პასი და 1.4 ჩაჭრა იყო.

ევროლიგაში, რომელიც კორონავირუსის გამო შეწყდა, შენგელია საშუალოდ 15.9 ქულას, 5.6 მოხსნას, 2.9 პასსა და 1 ჩაჭრას აგროვებდა.  

  თორნიკეს ამ გადაწყვეტილებას უმეტესი ქართველი ნეგატიურად შეხვდა და ბევრი ქართველ კალათბურთელს მოღალატესაც უწოდებს, რადგან შენგელია ამიერიდან რუსული არმიის გუნდში იასპარეზებს.

წყარო : აჭარასპორტიскачать dle 12.1