"ამდენი დაგვიჯდა და საბოლოოდ.." - რა თანხით ფინანსდება ფეხბურთი და რა განცხადებას აკეთებს გრიგოლ ვაშაძე ?

პოლიტიკოსი, გრიგოლ ვაშაძე, საქართველოს ნაკრების ბოლოდროინდელ ფორმას გამოეხმაურა.

ვაშაძის თქმით, ფეხბურთის ფედერაცია ამხელა თანხას არ უნდა იღებდეს და ეს ფული ისეთ სპორტებში უნდა წავიდეს, როგორებიც რაგბი, ძიუდო, ძალოსნობაა.

"პოპულისტურად თანხების დახარჯვა არავის უნდა ეპატიოს. 400 მილიონი დაიხარჯა ხვნა-თესვაში და ბოლოს რა? 250 მილიონი დაგვიჯდა 91-ე ადგილი FIFA-ს რეიტინგში და ახლა 3-0-ს აგებენ და ბოლო ადგილი ჯგუფში. რა მივიღეთ ამით?

ვითომ ფეხბურთის დრო გვაქვს? თუ მაინცდამაინც სპორტში უნდა წავიდეს ეს ფული, წავიდეს ეს ფული რაგბიში, ძიუდოში და ძალოსნობაში, ვისაც საქართველოს სახელი გააქვს საზღვარგარეთ.

ეს რა აჩემებული გვაქვს, გეგონება ყიფიანი და ხურცილავა თამაშობენ ისევ. ერთხელ ინტერესის გულისთვის წავედი დინამოს და ტორპედოს მატჩზე. ამერიკაში ორი საშუალო სკოლის გუნდის შეხვედრაზე უფრო მეტი ხალხი ესწრება, ვიდრე მესხის სტადიონზე. ამაში ვიხდით ჩვენ, გადასახადის გადამხდელები ფულს"

მსგავსი ვიდეო