სოციალურ ქსელში გულშემატკივარი ზურაბ მეძველია ძალიან საინტერესო შინაარსის პოსტს აქვეყნებს.

საქართველოს მოქალაქე გამოდის ინიციატივით, საქართველო-ბელორუსის მატჩის ბილეთების თანხა გადაერიცხოს იმ ქართველ ექიმებს, რომლებიც კორონავირუსთან უკვე 2 კვირაზე მეტია იბრძვიან.

გთავაზობთ პოსტს უცვლელად: 

ორი 25-ლარიანი ბილეთი მაქვს ნაყიდი. დიდი ალბათობით შედგება ეს მატჩი, ოღონდ უმაყურებლოდ. თუ ეს მართლა ასე მოხდა, ცხადია, ფეხბურთის ფედერაცია ვალდებულია დაგვიბრუნოს ბილეთებში გადახდილი თანხა...
ჰოდა, ასეთი რამ რომ გავაკეთოთ - უარი ვთქვათ ფულის დაბრუნებაზე, უბრალოდ სამახსოვროდ დავიტოვოთ ეს ბილეთები (შვილიშვილებს ვაჩვენებთ და მოვუყვებით ამ მატჩის და კორონას ამბავს :) ), ხოლო რაც ფედერაციას ჩვენთვის უნდა მოეცა, რამე ანგარიში გაიხსნას იმ ხალხისთვის - ექიმებისთვის, ექთნებისთვის, ამ დედანატირებ ვირუსთან მებრძოლი სხვა ადამიანებისთვის, ვისაც ალბათ იგივე ხელფასზე ათმაგად მუშაობა უწევთ - და იქ ჩარიცხოს ეს თანხა.
ცოტა არ იქნება - 55 ათასი ბილეთი იყო გაყიდული.скачать dle 12.1