დადასტურდა - გიორგი ჩაკვეტაძე ნეიმარისა და მბაპეს გვერდით

გენტის" ქართველი ნახევარმცველი გიორგი ჩაკვეტაძე ფრანგული "ბორდოს" სატრანსფერო სიაშია.

ამის შესახებ ინფორმაციას ფრანგული გამოცემა leerosportnews იუწყება და წერენ, რომ ლიგა 1-ის ისტორიული კლუბის სატრანსფერო სიაში 2 ფეხბურთელია: ქართველი გიორგი ჩაკვეტაძე და უზბეკი თავდამსხმელი ელდორ შომუროდოვი, რომელიც "როსტოვის" ღირსებას იცავს.

"გენტისა" და "ბორდოს" სატრანსფერო ურთიერთობები ამ ეტაპით არ იწყება. 2018 წლის ზაფხულში ბელგიურმა კლუბმა ფრანგებს ნიგერიელი გარემარბი სამუელ კალუ მიჰყიდა, რომელიც დღემდე ჟირონდელთა ღირსებას იცავს.

საფრანგეთის 6-გზის ჩემპიონი "ბორდო" ლიგა 1-ის 2019/20 წლების სეზონში 28 ტურის შემდეგ 37 ქულით მე-12 პოზიციაზეა, თუმცა, როგორც ევროპის ყველა ქვეყანაში (ბელარუსის გარდა), კორონავირუსის პანდემიის გამო ჩემპიონატი საფრანგეთშიც შეწყვეტილია და განახლების ზუსტი პერიოდი უცნობია.
გიორგი ჩაკვეტაძემ "გენტის" მაისურით მიმდინარე სეზონში 13 მატჩი ჩაატარა და 2 საგოლე გადაცემა გაააკეთა. ქართველი ნახევარმცველი მოედანს მუხლის ოპერაციით გამოწვეული 7-თვიანი პაუზის შემდეგ დეკემბერში დაუბრუნდა.

მსგავსი ვიდეო