ფაქტი, რომელიც ნიკოლოზ ბასილაშვილის ღირსებაზე ყველაფერს ამბობს (ვიდეო)
ბოლო რამდენიმე დღის მანძილზე ქართული საზოგადოების ყურადღება წარმატებული ქართველი ჩოგბურთელის, ნიკოლოზ ბასილაშვილის ოჯახისკენაა მიმართული.
მოგეხსენებათ, საქართველოს პროკურატურამ ყოფილი მეუღლის მიმართ განხორციელებული ძალადობის ფაქტზე ბასილაშვილს ბრალდება საქართველოს სისხლის სამართლის კოდექსის 126-ე პრიმა მუხლის მე-2 ნაწილის „ბ" ქვეპუნქტით წარუდგინა.
ჯერჯერობით არ არის დამტკიცებული მართლაც იძალადა თუ არა ბასილაშვილმა ყოფილ მეუღლეზე, თუმცა ცნობილი ფაქტია, რომ ამ ინფორმაციას თავად ჩოგბურთელი უარყოფს.
მოდით, გავიხსენოთ, რამდენიმე თვის წინ დევისის თასზე მომხდარი ინციდენტი, რომელიც ნიკოლოზის ღირსებაზე ყველაფერს ამბობს.
ქართველმა ჩოგბურთელმა აღნიშნულ ტურნირზე ურუგვაის ნაკრებთან მატჩში გმირული გადაწყვეტილება მიიღო. მაშინ, როცა მსაჯით უსაფუძვლოდ უკმაყოფილო მეტოქე კუევასი, მატჩს ტოვებდა და ქართველ მეტოქეს ნებდებოდა, ნიკოლოზმა თხოვნით მიმართა და შეხვედრის გაგრძელება ურჩია.
იყო შანსი, მომხდარის გამო 34 წლის ურუგვაელის საჩოგბურთო კარიერა სამუდამოდ დასრულებულიყო, ბასილაშვილი კი აქტივში უშრომელ გამარჯვებას ჩაიწერდა, თუმცა მან ის გააკეთა, რასაც მის ადგილზე ბევრი არ გააკეთებდა.
.png)
