ნიკოლოზ ბასილაშვილის მამა ნოდარ ბასილაშვილი შვილის ყოფილი მეუღლის ბრალდებებს პასუხობს. რუსთავი 2-თან სატელეფონო საუბარში ნეკა დოროყაშვილმა განაცხადა, რომ მცირეწლოვანი შვილის თანდასწრებით “ბასილაშვილმა მას დაზიანება მიაყენა, ხოლო ჩოგბურთელის მამა დიდტარიანი საგნით გაეკიდა“.

"ნუ მაცინებთ რა, ძალიან სასაცილოა... ყველა სხვადასხვა ვერსიას მეუბნებით, ზოგი ამბობს, რომ თოხით გავეკიდე, ზოგი კი ბარით. ეს ახლა პირველი შემთხვევაა, რომ ნაჯახით გავეკიდე“, - განუცხადა ნოდარ ბასილაშვილმა რუსთავი 2-ს.

ნიკოლოზ ბასილაშვილი ყოფილი მეუღლისთვის ნეკა დოროყაშვილისთვის ფიზიკური შეურაცხყოფის მიყენების ბრალდებით დააკავეს. 
თავად სპორტსმენი ბრალდებებს უარყოფს. 

ჩოგბურთელის ადვოკატმა ირმა ჭკადუამ განაცხადა, რომ ნიკოლოზ ბასილაშვილი 100 000-ლარიანი გირაოს სანაცვლოდ გაათავისუფლეს. შემაკავებელი ორდენი გამოწერილი აქვს ბასილაშვილის მამას.

საქმის შესწავლა დაიწყო სახალხო დამცველმა ნინო ლომჯარიამ. ამის შესახებ მან თავის ფეისბუკის გვერდზე დაწერა.

მთავარი ფოტო: ნოდარ ბასილაშვილის ფეისბუკის გვერდიскачать dle 12.1