იტალიურმა გამოცემა Calciomercato-მ ერთა ლიგის 2020-21 წლების სეზონის წილისყრის შემდეგ სტატია გამოაქვეყნა იმ ევროპული ქვეყნების ძვირადღირებული მოთამაშეების შესახებ, რომლებიც ამ გათამაშებაში მიიღებენ მონაწილეობას.
 
Calciomercato-ს ყურადღება საქართველოს ნაკრებიდან ბელგიური "გენტის" 20 წლის ქართველმა ნახევარმცველმა გიორგი ჩაკვეტაძემ მიიქცია, რომელიც transfermarkt-ზე 9 მილიონადაა შეფასებული.
 

"ტექნიკური და სწრაფი ფეხბურთელი ნახევარდაცვის ხაზში. ბელგიურ გენტს მიმდინარე სეზონში კარგი მატჩები აქვს და ქართველიც ამის მონაწილეა. მისი თამაში პატარა ასაკიდანვეა ცნობილი და ფასიც ხელმისაწვდომი აქვს. ვისაც მოკრძალებული ბიუჯეტი აქვს და კარგ ფეხბურთელს ეძებს შეტევის გასაძლიერებლად, გიორგი ჩაკვეტაძე მათთვის კარგი ვარიანტია. მაგალითად, ჩაკვეტაძისთვის იტალიაში შესაძლოა კალიარი იდეალური გუნდი იყოს. ასევე, ბენევენტოც, რომელსაც აუცილებლად დაეხმარებოდა უმაღლესთა შორის ადგილის დაბრუნებაში," - წერს Calciomercato.

 
იტალიის სერია ა-ს მიმდინარე სეზონში კალიარი 32 ქულით მე-11 პოზიციაზეა, ხოლო რაც შეეხება ჩაკვეტაძეს, 20 წლის ნახევარმცველმა მიმდინარე სეზონში გენტის მაისურით 11-ჯერ ითამაშა და 2 საგოლე გადაცემა გააკეთა.скачать dle 12.1