გამოცემა "ლელომ" ლეგენდარული თბილისის "დინამოს" მწვრთნელის, ნოდარ ახალკაცის 1998 წლის იანვარში, გაზეთ 11x11-თან მიცემული ინტერვიუ გაიხსენა.

გთავაზობთ ნაწყვეტს საქართველოს ფეხბურთის ფედერაციის პირველი პრეზიდენტის ინტერვიუდან.

"ყველას კარგად მოეხსენება, რომ ფედერაციის დაარსების შემდგომ ჩვენთან ქართული ფული, ფაქტობრივად, არ შემოსულა."

"თავდაპირველ წლებში რამდენიმე ორგანიზაციამ გადმორიცხა თანხები, ყველაზე მეტად კი მშენებლები აქტიურობდნენ. თუმცა, შემდგომ ეს პროცესიც შეჩერდა."

"როდესაც ფედერაცია დავაფუძნეთ და ანგარიში გავხსენით, საქართველოს კათალიკოს პატრიარქთან მივედი და ვთხოვე, სიმბოლურად 1 მანეთი ჩაერიცხათ. მან კი თავის თანაშემწეს დაავალა, სასწრაფოდ 150 ათასი რუბლის გადმოერიცხა."

"ეს იმ დროისთვის ძალიან დიდი ფული იყო, რომლითაც სამი თვე შეგვეძლო ფედერაციას თავის შენახვა. ამას იმიტომ ვამბობ, რომ კათალიკოსის თანადგომას დიდი ძალა აქვს და ამიტომაც, ჩვენი წაქცევა მარტივი არაა." - ციტირებს ახალკაცის სიტყვებს "ლელო".скачать dle 12.1