იტალიის სერია C-ს კლუბის ერთ-ერთი წევრი პირველი ფეხბურთელი გახდა, რომელსაც კორონავირუსი აღმოაჩნდა. ამის შესახებ La Gazzetta dello Sport  წერს.

ფეხბურთელის ვინაობა არ სახელდება, თუმცა პრესა აღნიშნავს, რომ იგი სიენას პროვინციაში ცხოვრობს. გასულ კვირას ფეხბურთელი თავისი გუნდის განაცხადში ცხელების გამო არ შეიყვანეს. მოგვიანებით ექიმებმა მას კორონავირუსზე ტესტი ჩაუტარეს, რამდენიმე საათში კი კლუბმა ამ ტესტზე დადებითი პასუხი მიიღო. სასწრაფო დახმარების სამსახურმა იგი სიენას ინფექციური დაავადებების განყოფილებაში გადაიყვანა. რამდნეიმე უცხოური გამოცემა იუწყება, რომ ეს ფეხბურთელი გარდაიცვალა, თუმცა ეს ოფიციალურად არ დადასტურებულა.

შეგახსენებთ, 23 თებერვალს იტალიაში კორონავირუსი გავრცელდა. მას შემდეგ იტალია მსოფლიოს მეოთხე მსხვილი სახელმწიფო გახდა, რომელიც ვირუსული ინფექცია მოიცვა. ამის გამო სერია ა-ს ბოლო ტურის ოთხი მატჩი გადაიდო. შესაძლოა, იუვენტუსისა და ინტერის უახლოესი მატჩი ცარიელი ტრიბუნების წინ ჩატარდეს.скачать dle 12.1