ბორჯღალოსნები | რაგბი ევროპამ ჩემპიონატის კალენდარი დაამტკიცა

რაგბი ევროპამ 2027 წლის ჩემპიონატის კალენდარი დაამტკიცა. რადგან საქართველოს გასული ორი წლის (2025 და 2026) ჩემპიონატების ჯამში საუკეთესო მაჩვენებელი ჰქონდა, საქართველო ა ჯგიფში პირველ ნომრად განითესა და ჯგუფურ ეტაპზე რუმინეთთან (4), ბელგიასთან (5) და პოლონეთთან (8) ითამაშებს.

ბ ჯგუფში პორტუგალია (2), ესპანეთი (3), ნიდერლანდები (6) და შვეიცარია (7) მოხვდნენ. ჯგუფური ეტაპის შეხვედრები 6/7, 12/13/14 და 20/21 თებერვალს გაიმართება, რის შემდეგაც ჯგუფის ორ-ორი საუკეთესო გუნდი თასის ნახევარფინალში გავა, ქვედა ოთხეული კი მე-5-მე-8 ადგილებისთვის გააგრძელებს ბრძოლას. ნახევარფინალები 6/7 მარტსაა ჩანიშნული.

ფინალური რაუნდი ამჯერად რუმინეთის დედაქალაქ ბუქარესტში 14 მარტს შედგება და ყველა ადგილთან ერთად, თასის მფლობელის ვინაობაც გაირკვევა.

ბორჯღალოსნები ჯგუფური ეტაპის პირველ მატჩს 6 თებერვალს სტუმრად, პოლონეთთან (რომელიც ალაფიდან გერმანიის ნაცვლად დაწინაურდა) გდინიაში გამართავენ; 13 თებერვალს ბელგიას ბრიუსელში ეთამაშებიან, 20 თებერვალს კი რუმინეთს თბილისში დაუხვდებიან. ჯგუფუერი ეტაპის დასრულების შემდეგ გაირკვევა ვინ იქნება ჩვენი მეტოქე ნახევარფინალში და სად გაიმართება შეხვედრა.

რაგბი ევროპის ჩემპიონი აქამდე 24-ჯერ გამოვლინდა და საქართველო ერთპიროვნული ლიდერია - თასი 17-ჯერ შემართა, აქედან 8-ჯერ (2018-2025) ზედიზედ. შარშან ფინალი პორტუგალიასთან დავთმეთ, რომელმაც ტიტული მეორედ მოიგო, 5-ჯერ კი ჩემპიონი რუმინეთი გახდა.

2027 წლის რაგბი ევროპის ჩემპიონატი

ა ჯგუფი

საქართველო

რუმინეთი

ბელგია

პოლონეთი

I ტური. 6 თებერვალი

ბელგია - რუმინეთი

პოლონეთი - საქართველო

II ტური. 12-13 თებერვალი

რუმინეთი - პოლონეთი

ბელგია - საქართველო

III ტური. 20 თებერვალი

საქართველო - რუმინეთი

პოლონეთი - ბელგია

ბ ჯგუფი

პორტუგალია

ესპანეთი

ნიდერლანდები

შვეიცარია

I ტური. 6-7 თებერვალი

ნიდერლანდები - ესპანეთი

შვეიცარია - პორტუგალია

II ტური. 13-14 თებერვალი

ნიდერლანდები - პორტუგალია

ესპანეთი - შვეიცარია

III ტური. 21 თებერვალი

შვეიცარია - ნიდერლანდები

პორტუგალია - ესპანეთი

6-7 მარტი. ნახევარფინალები

14 მარტი. ბუქარესტი (რუმინეთი). ფინალები

წყარო: rugby.ge

Le Parisien-ის გამოკითხვის შედეგები ოქროს ბურთი კვარას უნდა მოეგო

ავტორიტეტულმა ფრანგულმა გამოცემამ Le Parisien-მა მკითხველებს საინტერესო გამოკითხვა შესთავაზა და სთხოვა, საკუთარი ვერსიით შეედგინათ იმ ფეხბურთელთა ტოპ-ხუთეული, რომლებსაც „ოქროს ბურთი“ უნდა მოეგოთ. შედეგებმა ყოველგვარ მოლოდინს გადააჭარბა - ქართველმა ფეხბურთელმა, ხვიჩა კვარაცხელიამ, მკითხველთა გამოკითხვაში სარეკორდო მაჩვენებელი დააფიქსირა და პირველი ადგილი დაიკავა.

გამოცემის მიერ წარმოდგენილი ტოპ-ათეული და რეიტინგი ასე განაწილდა:

1. ხვიჩა კვარაცხელია — მკითხველთა 53.2%-მა მიაჩნია, რომ „კვარას“ ეს ჯილდო უნდა მიეღო.
2. ჰარი კეინი — 45.4%.
3. კილიან მბაპე — 40.1%.
4. უსმან დემბელე — 37.7%.
5. ლამინ იამალი — 35.8%.
6. როდრი.
7. ერლინგ ჰოლანდი.
8. ლიონელ მესი.
9. ფაბიან რუისი.
10. მაიკლ ოლისე.

ცნობისთვის, „პარი სენ-ჟერმენის“ ყოფილი თუ მოქმედი ფეხბურთელებიდან სიაში ასევე მოხვდნენ კილიან მბაპე და უსმან დემბელე, თუმცა გამოკითხულთა აბსოლუტურმა უმრავლესობამ პირველ ადგილზე სწორედ ქართველი ვარსკვლავი დასვა. ეს შედეგი კიდევ ერთხელ უსვამს ხაზს იმას, თუ რამდენად დიდია კვარაცხელიას გავლენა და პოპულარობა საერთაშორისო მასშტაბით.

„საქართველოში ღონისძიების გამართვაზე ვმუშაობთ“ | რა თქვა დენა უაითმა

აბუ-დაბიში UFC 333-ის პრესკონფერენცია გაიმართა, რომლის მთავარი მოვლენის მონაწილეები მერაბ დვალიშვილი და პიოტრ იანი არიან. ორგანიზაციის პრეზიდენტს, დენა უაითს მოახლოებულ ჩხუბსა და UFC-ის ღონისძიების საქართველოში ჩატარებაზე ჰკითხეს.

შეკითხვა: „დენა, მერაბ დვალიშვილისა და პიოტრ იანის დაპირისპირება ფანტასტიკური ორთაბრძოლაა. ფიქრობ თუ არა, რომ ამ ჩხუბის გამარჯვებული სუპერ მსუბუქი წონითი დივიზიონის ყველა დროის საუკეთესო მებრძოლი გახდება?“

დენა უაითი: „შესანიშნავი შეკითხვაა, მაგრამ ზუსტი პასუხი არ მაქვს. ვნახოთ, შაბათს რა მოხდება. სავარაუდოდ, სწორედ ასე იქნება. UFC-ის ღონისძიება საქართველოში 2027 წელს? კი, ამაზე ნამდვილად ვმუშაობთ და პასუხი ასეთია: დიახ, ნამდვილად კი“.

რა უთხრა მერაბმა იანს პირისპირ დგომისას

მერაბ დვალიშვილი მომდევნო ორთაბრძოლას UFC 333-ზე გამართავს და სუპერ მსუბუქი წონითი დივიზიონის საჩემპიონო ქამრისთვის პიოტრ იანს დაუპირისპირდება. მებრძოლებმა პრესკონფერენცია გამართეს, მისი დასრულების შემდეგ კი ფეისოფები ვიხილეთ და „მანქანამ“ იანს მიმართა.

„კიდევ ერთხელ. ახლა ილაპარაკე, სიამოვნება მიიღე და შაბათ საღამოს, გაჩვენებ, რა მოხდება. შეგჭამ! შეგჭამ!“, — უთხრა დვალიშვილმა.

დვალიშვილისა და იანის მესამე დაპირისპირება UFC 333-ის თანამთავარი მოვლენაა, ხოლო მთავარ მოვლენაში ერთმანეთს მოვსარ ევლოევი და ალექსანდრ ვოლკანოვსკი დაუპირისპირდებიან. მერაბისა და იანის ჩხუბს თბილისის დროით, 23:30-დან ვიხილავთ.

ცნობისთვის, ბუკმეკერების მიხედვით, ფავორიტი იანია და Polymarket-ზე მას გამარჯვების 60-პროცენტიანი შანსი აქვს.

ბორჯღალოსნების გაფართოებული შემადგენლობა ერთა თასისთვის დასახელდა

ბორჯღალოსნების მთავარმა მწვრთნელმა პიერ ანრი ბრონკანმა, ნოემბერში გასამართი მსოფლიო რაგბის 2026 წლის ერთა თასის მატჩებისთვის 36-კაციანი გაფართოებული შემადგენლობა დაასახელა.

ბორჯღალოსნების შემადგენლობა 2026 წლის ნოემბრის მსოფლიო რაგბის ერთა თასის მატჩებისთვის

შენიშვნა: პირველად წერია კლუბი რომელშიც მოთამაშე ამჟამად თამაშობს, მეორედ - აღმზრდელი კლუბი

პირველი ხაზი: გიორგი ახალაძე (კლერმონი, ბაღდათის ‘დათვები’), ლაშა ფხაკაძე (ბორდო, წყალტუბოს ‘დინოზავრი’), სერგი აბრამიშვილი (სტად ფრანსე, თბილისის ‘ხვამლი’), ვანო კარკაძე (ოიონა, ქუთაისის ‘აია’), ლუკა გოგინავა (ბეზიე, თბილისის ‘ლოკომოტივი’), ვახტანგ ჯინჭარაძე (შავი ლომი, ჩოხატაურის ‘ღონე’), გიორგი მელიქიძე (სტად ფრანსე, ასპინძის ‘ტაო’), ბაჩუკი ჭუმბაძე (ექსეთერი, თბილისის ‘ხულიგანა’), კახაბერ დარბაიძე (ბიარიცი, რუსთავის ‘ხარები’);

მეორე ხაზი: ლადო ჩაჩანიძე (შავი ლომი, თბილისის ‘ლელო’), მიხეილ ბაბუნაშვილი (შავი ლომი, ქუთაისის ‘აია’), გაგი მარგველაშვილი (რასინგ 92, დომონი), კოტე მიქაუტაძე (ბრივი, მარნეულის ‘არმაზი’), გიორგი ჯავახია (ანგულემი, ფოთის ‘კოლხი რაინდები’);

მესამე ხაზი: მიხეილ შიოშვილი (ტულონი, თბილისის ‘ხულიგანა’), ლუკა ივანიშვილი (ბრისტოლი, თბილისის ‘წიქარა’), ილია სპანდერაშვილი (ვალანსი, თბილისის ‘არმია’), თორნიკე ჯალაღონია (პროვანსი, თბილისის ‘ხულიგანა’), ბექა გორგაძე (პო, რუსთავის ‘ხარები’), ბექა საღინაძე (ლიონი, თბილისის ‘ლელო), ბექა შვანგირაძე (ლიონი, ქუთაისის ‘აია’);

ჰავბეკი: ვასილ ლობჟანიძე (ოიონა, მარნეულის ‘არმაზი’), გელა აფრასიძე (ანგულემი, თბილისის ‘ივერია’), თემურ ძოძუაშვილი (შავი ლომი, ქუთაისის ‘აია’);

მგეზავი: ლუკა მატკავა (ოიონა, ფოთის ‘კოლხი რაინდები’), დაჩი პაპუნაშვილი (მონტობანი, თბილისის ‘არმია’);

ცენტრი: გიორგი შველიძე (ბრივი, ‘მონტბეტონი’ საფრანგეთი), დავით ბარბაქაძე (ლიონი, თბილისის ‘არმია’), გიორგი ხაინდრავა (ნიცა, თბილისის ‘ლელო’), თორნიკე კახოიძე (შავი ლომი, თბილისის ‘ლელო’), ლუკა ტაბატაძე (შავი ლომი, თბილისის ‘არმია’);

ფრთა: ოთარ მეტრეველი (შავი ლომი, ქუთაისის ‘აია’), აკაკი ტაბუცაძე (შავი ლომი, თბილისის ‘ლელო’), ლუკა ხორბალაძე (ლიონი, თბილისის ‘ლელო’);

ფულბეკი: დავით ნინიაშვილი (ლა როშელი, თბილისის ‘ხვამლი’), ლუკა ცირეკიძე (შავი ლომი, თბილისის ‘ლელო’).

საქართველომ ერთა თასის პირველი სამი შეხვედრა ზაფხულში, სამხრეთ ამერიკულ ტურნეზე გამართა, სამი გამარჯვება მოიპოვა და ევროპის, აზიისა და აფრიკის ჯგუფს 14 ქულით ლიდერობს. კიდევ ერთი დაუმარცხებელი გუნდი აშშ-ა, რომელმაც ასევე 14 ქულა მოაგროვა და ამერიკა - წყნარი ოკეანის ჯგუფში პირველ ადგილზეა. ნოემბრის მატჩების შემდეგ, ჯგუფებში პირველ ადგილზე გასული ნაკრებები ერთა თასის პირველ ჩემპიონებად გამოცხადდებიან.

შეგახსენებთ, ერთა თასის 12 მონაწილე გუნდი, გეოგრაფიური პრინციპით ორ ჯგუფში არიან განაწილებული. ა ჯგუფი (ამერიკის და წყნარი ოკეანის) კანადას, ჩილეს, სამოას, ტონგას, ურუგვაის და აშშ-ს აერთიანებს; ბ ჯგუფში (ევროპა, აზია და აფრიკა) საქართველო, ჰონკონგი, ზიმბაბვე, პორტუგალია, რუმინეთი და ესპანეთი მოხვდნენ.

წყარო: rugby.ge