ბორჯღალოსნები | რაგბი ევროპამ ჩემპიონატის კალენდარი დაამტკიცა

რაგბი ევროპამ 2027 წლის ჩემპიონატის კალენდარი დაამტკიცა. რადგან საქართველოს გასული ორი წლის (2025 და 2026) ჩემპიონატების ჯამში საუკეთესო მაჩვენებელი ჰქონდა, საქართველო ა ჯგიფში პირველ ნომრად განითესა და ჯგუფურ ეტაპზე რუმინეთთან (4), ბელგიასთან (5) და პოლონეთთან (8) ითამაშებს.

ბ ჯგუფში პორტუგალია (2), ესპანეთი (3), ნიდერლანდები (6) და შვეიცარია (7) მოხვდნენ. ჯგუფური ეტაპის შეხვედრები 6/7, 12/13/14 და 20/21 თებერვალს გაიმართება, რის შემდეგაც ჯგუფის ორ-ორი საუკეთესო გუნდი თასის ნახევარფინალში გავა, ქვედა ოთხეული კი მე-5-მე-8 ადგილებისთვის გააგრძელებს ბრძოლას. ნახევარფინალები 6/7 მარტსაა ჩანიშნული.

ფინალური რაუნდი ამჯერად რუმინეთის დედაქალაქ ბუქარესტში 14 მარტს შედგება და ყველა ადგილთან ერთად, თასის მფლობელის ვინაობაც გაირკვევა.

ბორჯღალოსნები ჯგუფური ეტაპის პირველ მატჩს 6 თებერვალს სტუმრად, პოლონეთთან (რომელიც ალაფიდან გერმანიის ნაცვლად დაწინაურდა) გდინიაში გამართავენ; 13 თებერვალს ბელგიას ბრიუსელში ეთამაშებიან, 20 თებერვალს კი რუმინეთს თბილისში დაუხვდებიან. ჯგუფუერი ეტაპის დასრულების შემდეგ გაირკვევა ვინ იქნება ჩვენი მეტოქე ნახევარფინალში და სად გაიმართება შეხვედრა.

რაგბი ევროპის ჩემპიონი აქამდე 24-ჯერ გამოვლინდა და საქართველო ერთპიროვნული ლიდერია - თასი 17-ჯერ შემართა, აქედან 8-ჯერ (2018-2025) ზედიზედ. შარშან ფინალი პორტუგალიასთან დავთმეთ, რომელმაც ტიტული მეორედ მოიგო, 5-ჯერ კი ჩემპიონი რუმინეთი გახდა.

2027 წლის რაგბი ევროპის ჩემპიონატი

ა ჯგუფი

საქართველო

რუმინეთი

ბელგია

პოლონეთი

I ტური. 6 თებერვალი

ბელგია - რუმინეთი

პოლონეთი - საქართველო

II ტური. 12-13 თებერვალი

რუმინეთი - პოლონეთი

ბელგია - საქართველო

III ტური. 20 თებერვალი

საქართველო - რუმინეთი

პოლონეთი - ბელგია

ბ ჯგუფი

პორტუგალია

ესპანეთი

ნიდერლანდები

შვეიცარია

I ტური. 6-7 თებერვალი

ნიდერლანდები - ესპანეთი

შვეიცარია - პორტუგალია

II ტური. 13-14 თებერვალი

ნიდერლანდები - პორტუგალია

ესპანეთი - შვეიცარია

III ტური. 21 თებერვალი

შვეიცარია - ნიდერლანდები

პორტუგალია - ესპანეთი

6-7 მარტი. ნახევარფინალები

14 მარტი. ბუქარესტი (რუმინეთი). ფინალები

წყარო: rugby.ge

კრიშტიანო რონალდომ კარიერაში 981-ე გოლი გაიტანა

პორტუგალიელმა ვარსკვლავმა, კრიშტიანო რონალდომ პროფესიულ კარიერაში 981-ე გოლი გაიტანა და ისტორიულ ნიშნულს კიდევ ერთი ნაბიჯით მიუახლოვდა.

41 წლის თავდამსხმელმა თავი აზიის ჩემპიონთა ლიგის მეორე ტურში გამოიჩინა, სადაც მისმა „ალ-ნასრმა“ უზბეკური „ნეფტჩი“ ანგარიშით 3:1 დაამარცხა.

რონალდომ მეტოქის კარი 42-ე წუთზე აიღო და საკუთარი გუნდის უპირატესობა ორამდე გაზარდა. შეხვედრაში ანგარიში 33-ე წუთზე ანჯელო გაბრიელმა გახსნა, ხოლო „ალ-ნასრის“ მესამე გოლი მეტოქის ფეხბურთელმა საკუთარ კარში გაიტანა.

შედეგად, რონალდოს 1000-გოლიან ნიშნულამდე მხოლოდ 19 ბურთი აშორებს.

ლებრონ ჯეიმსის „ფილადელფიამ“ მოქმედი ჩემპიონი დაამარცხა, NBA-ს ახალი სეზონი გაიხსნა

ნაციონალურ საკალათბურთო ასოციაციაში (NBA) 2026/27 წლების სეზონი სამი მატჩით გაიხსნა. პირველი სათამაშო დღის მთავარი დაპირისპირება ნიუ იორკში გაიმართა, სადაც მოქმედმა ჩემპიონმა „ნიუ იორკ ნიქსმა“ ლებრონ ჯეიმსის „ფილადელფია სიქსერსს“ უმასპინძლა და 100:106 დამარცხდა.

„მედისონ სქუერ გარდენში“ მატჩის დაწყებამდე მასპინძლებმა გასულ სეზონში მოპოვებული ჩემპიონობა აღნიშნეს და საჩემპიონო ბეჭდები მიიღეს. თუმცა შეხვედრა სტუმრების გამარჯვებით დასრულდა. „ფილადელფიამ“ მესამე მეოთხედში მოპოვებული უპირატესობა შეინარჩუნა და სეზონი მნიშვნელოვანი გამარჯვებით დაიწყო.

განსაკუთრებულ ყურადღებას იპყრობდა ლებრონ ჯეიმსის დებიუტი „ფილადელფიაში“. 41 წლის კალათბურთელი NBA-ში სარეკორდო, 24-ე სეზონს ატარებს. მან ახალ გუნდში პირველ ოფიციალურ შეხვედრაში 14 ქულა, 9 მოხსნა და 7 შედეგიანი გადაცემა მიითვალა. გამარჯვებულთა შორის საუკეთესო ტაირის მაქსი იყო 28 ქულით, ჯეილენ ბრაუნმა – 19 ქულა, ხოლო ჯოელ ემბიიდმა 13 ქულა და 11 მოხსნა დააგროვა. „ნიუ იორკის“ რიგებში ჯეილენ ბრანსონი 21 ქულით გამოირჩა, კარლ-ენტონი ტაუნსმა კი 19 ქულა და 12 მოხსნა მიითვალა.

სეზონის პირველ შეხვედრაში „დეტროიტ პისტონსმა“ საკუთარ მოედანზე „ბოსტონ სელტიქსს“ 121:113 მოუგო. მასპინძლებმა მეოთხე მეოთხედში 12-ქულიანი ჩამორჩენა აღმოფხვრეს და 23:0 გაქცევის წყალობით გამარჯვება მოიპოვეს. „დეტროიტის“ შემადგენლობაში კეიდ კანინგემმა და ჯეილენ დურენმა 22-22 ქულა დააგროვეს, დუნკან რობინსონმა კი 21 ქულა მიითვალა. „ბოსტონში“ საუკეთესო პოლ ჯორჯი იყო, რომელმაც სადებიუტო მატჩში 38 ქულა ჩააგდო.

დღის კიდევ ერთ შეხვედრაში „ოკლაჰომა სიტი თანდერმა“ გასვლაზე „სან ანტონიო სპურსი“ 116:104 დაამარცხა. გამარჯვებულებს შაი გილჯეს-ალექსანდერმა 32 ქულით ულიდერა, ჯარედ მაკკეინმა კი 20 ქულა მიითვალა. „სან ანტონიოს“ შემადგენლობაში ყველაზე შედეგიანი სტეფონ კასლი იყო 24 ქულით, ვიქტორ ვემბანიამამ კი შეხვედრა 12 ქულით, 13 მოხსნითა და 6 დაფარებით დაასრულა.

NBA-ს რეგულარული სეზონი 82 ტურისგან შედგება. თითოეული გუნდი პლეიოფში მოსახვედრად იბრძოლებს, სადაც საუკეთესო გუნდები ჩემპიონობისთვის გააგრძელებენ ასპარეზობას.

სანდრო მამუკელაშვილმა „პორტლენდთან“ მატჩში 17 ქულა ჩააგდო

საქართველოს ნაკრების ფორვარდმა, სანდრო მამუკელაშვილმა „ლეიკერსის“ მაისურით NBA-ს ახალ სეზონში სარეკორდო, 17 ქულა ჩააგდო. მისმა გუნდმა კი პირველი მარცხი იწვნია შინ „პორტლენდთან“, 129:136.

პორტლენდის გამარჯვება მორანტის (23 ქულა), ავდიას (23), ლილარდის (21) და ჰოლიდეის (22) კვარტეტმა განაპირობა.

„ლეიკერსში“ კი კვლავ ეფექტური სტატისტიკა ჰქონდა ლუკა დონჩიჩს – 41 ქულა, 9 პასი.

სანდრო მამუკელაშვილი: 24 წუთი, 17 ქულა (4-დან 3 სამქულიანი, 5-დან 3 ორიანი, 2-დან 2 საჯარიმო), 4 მოხსნა, 2 პასი, 1 დაფარება.

„ლეიკერსი“ მომდევნო მატჩს 29 ოქტომბერს სტუმრად „კლიპერსთან“ გამართავს.

ლუკა მატკავა საფრანგეთის ჩემპიონატის ტურის სიმბოლურ ნაკრებში მოხვდა

ფრანგულმა სარაგბო გამოცემამ, „მიდი ოლიმპიკმა“ საფრანგეთის სარაგბო ჩემპიონატის რანგით მეორე დივიზიონის მე-7 ტურის სიმბოლური ნაკრები შეადგინა – რჩეულთა შორის საქართველოს ეროვნული ნაკრებისა და „იოონას“ მგეზავი ლუკა მატკავა მოხვდა.

„ოიონამ“ „ვალანს რომანსს“ უმასპინძლა და 51:25 დაამარცხა. მატკავამ მატჩი შეუცვლელად ჩაატარა, ერთი ლელო დადო, 6 გარდასახვა და 3 საჯარიმო დარტყმა შეასრულა ზუსტად და გუნდს 26 ქულა მოუტანა.

შვიდ ტურში მატკავას ანგარიშზე უკვე 106 ქულაა და ამ მაჩვენებლით ის PRO D2-ის მიმდინარე სეზონში პირველი მორაგბე გახდა, ვინც 100-ქულიანი ნიშნული გადალახა.

დავით ნინიაშვილის პირველი ლელო მიმდინარე სეზონში

რაგბის ჩემპიონთა თასზე პირველი ტურის მატჩები გაიმართა. დავით ნინიაშვილისა და ალექსანდრე ქუნთელიას „ლა როშელმა“ საკუთარ სტადიონზე სამხრეთაფრიკული „ლაიონზს“ უმასპინძლა და 31:14 დაამარცხა.

ნინიაშვილი ძირითად შეამადგენლობაში იყო, თავიდან ბოლომდე ითამაშა და მიმდინარე სეზონში პირველი ლელო დადო – საქართველოს ნაკრების ლიდერმა თავი 39-ე წუთზე გამოიჩინა.

ალექსანდრე ქუნთელია სათადარიგოთა შორის იყო და თამაშში 41-ე წუთიდან ჩაერთო.

Le Parisien-ის გამოკითხვის შედეგები ოქროს ბურთი კვარას უნდა მოეგო

ავტორიტეტულმა ფრანგულმა გამოცემამ Le Parisien-მა მკითხველებს საინტერესო გამოკითხვა შესთავაზა და სთხოვა, საკუთარი ვერსიით შეედგინათ იმ ფეხბურთელთა ტოპ-ხუთეული, რომლებსაც „ოქროს ბურთი“ უნდა მოეგოთ. შედეგებმა ყოველგვარ მოლოდინს გადააჭარბა - ქართველმა ფეხბურთელმა, ხვიჩა კვარაცხელიამ, მკითხველთა გამოკითხვაში სარეკორდო მაჩვენებელი დააფიქსირა და პირველი ადგილი დაიკავა.

გამოცემის მიერ წარმოდგენილი ტოპ-ათეული და რეიტინგი ასე განაწილდა:

1. ხვიჩა კვარაცხელია — მკითხველთა 53.2%-მა მიაჩნია, რომ „კვარას“ ეს ჯილდო უნდა მიეღო.
2. ჰარი კეინი — 45.4%.
3. კილიან მბაპე — 40.1%.
4. უსმან დემბელე — 37.7%.
5. ლამინ იამალი — 35.8%.
6. როდრი.
7. ერლინგ ჰოლანდი.
8. ლიონელ მესი.
9. ფაბიან რუისი.
10. მაიკლ ოლისე.

ცნობისთვის, „პარი სენ-ჟერმენის“ ყოფილი თუ მოქმედი ფეხბურთელებიდან სიაში ასევე მოხვდნენ კილიან მბაპე და უსმან დემბელე, თუმცა გამოკითხულთა აბსოლუტურმა უმრავლესობამ პირველ ადგილზე სწორედ ქართველი ვარსკვლავი დასვა. ეს შედეგი კიდევ ერთხელ უსვამს ხაზს იმას, თუ რამდენად დიდია კვარაცხელიას გავლენა და პოპულარობა საერთაშორისო მასშტაბით.

ლამინ იამალმა ახალგაზრდა ტალანტის ჯილდო ზედიზედ მესამედ მოიგო

„ბარსელონასა“ და ესპანეთის ნაკრების 19 წლის ვარსკვლავმა ზედიზედ მესამედ მოიპოვძ წლის საუკეთესო ახალგაზრდის ჯილდო. იამალმა კიდევ ერთხელ დაამტკიცა, რომ ის თანამედროვე ფეხბურთის მთავარი ფენომენია.

ჩაკვეტაძის სრული მატჩი - "უდინეზე" ვარდნას აგრძელებს

სერია A-ს მერვე ტურში „უდინეზე“ საკუთარ მოედანზე „მილანთან“ 0:2 დამარცხდა.

სტუმრები დებიუტში პულიშიჩმა დააწინაურა, რის შემდეგაც მასპინძლები უპირატესობას დაეუფლენ, თუმცა უმეტესად უხიფათოდ უტევდნენ, „მილანი“ კი უფრო მწვავე კონტრიერიშებით პასუხობდა და პირველი ტაიმი 0:1 დასრულდა. შესვენების შემდეგ თამაშის სურათი არ შეიცვალა, ჰატჩინსონმა ანგარიში გაზარდა და საბოლოო შედეგი დააფიქსირა.

უდინელთა ნახევარმცველი ჩაკვეტაძე პირველ ტაიმში ცენტრიდან უტევდა, მეორე ტაიმში მარცხნიდან, საკმაოდ აქტიური იყო, შეუცვლელად ითამაშა და ანალიტიკური საიტებისგან თავისი გუნდიდან ერთ-ერთი ყველაზე მაღალი შეფასებები მიიღო: Sofascore 7.0, Flashscore 6.7, Whoscored 6.6.

„უდინეზემ“ ზედიზედ მეექვსე მარცხი განიცადა, 4 ქულით მე-17 ადგილზეა და 28 ოქტომბერს გასვლაზე „პარმას“ დაუპირისპირდება.

ტექნიკური ნოკაუტი მეორე რაუნდში - ვოლკანოვსკიმ ტიტული დაიცვა

UFC-ის ქვემსუბუქი წონითი დივიზიონის სატიტულო ჩხუბში ალექს ვოლკანოვსკიმ მოვსარ ევლოევი დაამარცხა და ჩემპიონის ქამარი შეინარჩუნა.