"რუსები საშინელებებს მწერენ.." - უკრაინელმა ძიუდოისტმა დარია ბილოდიდმა განცხადება გააკეთა

დარია ბილოდიდი :

“დღე არ გავა, რაღაც სისაძაგლე არ მომწერონ. მეუბნებიან, რომ ნაძირალა ვარ. საზიზღრობებს მიგზავნიან. მათ შორის რუსი სპორტსმენები და ბავშვებიც კი არიან. საშინელი სანახავი რომ არ იყოს, ეს ჩემში მხოლოდ სიცილს გამოიწვევდა. ისინი უბრალოდ ზომბირებული ხალხია, რომელთაც ყველაფერი სჯერათ, რასა ჩასძახებენ. იმის თავიც კი არ აქვთ, რომ უბრალოდ გაჩერდნენ და იმ ხალხს მაინც ნუ ლანძღავენ, ვინც უბრალოდ თავისუფლებისთვის იბრძვის. თავიდან, ზოგს ვპასუხობდი, თანაც ზრდილობის ფარგლებში. როდესაც ტყუილად გადანაშაულებენ, გინდა, დაუმტკიცო, რომ ეს მათი ქვეყანა შემოიჭრა უკრაინაში. გინდა, ხალხს თვალი აუხილო. არ მესმის, როგორ მუშაობს ასე პროპაგანდა, რომ მათ თავში არაფერი შედის. სწორედ ამიტომ მსურდა მათთვის ფოტოები და ვიდეოები მეჩვენებინა, თუ როგორ იღუპებიან ჩვენთან ბავშვები. სამწუხაროდ, ეს უსარგებლო საქმეა. მაინც თავისი აზრი აქვთ, რომელიც მთელი მსოფლიოს შეხედულებებისგან განსხვავდება. ამდენად, პასუხს აღარავის ვცემ. ახლა ინსტაგრამის გარეშე ზიან, უყურებენ თავიანთ არხებს და ალბათ, კიდევ უფრო ცუდ დღეში არიან”.

მსგავსი ვიდეო