ვინ რამდენი გამოიმუშავა ? 2021 წლის ყველაზე მაღალშემოსავლიანი სპორტსმენები

ლაშა ტალახაძისთვის 2021 წელი ნაყოფიერი გამოდგა. ლეგენდარულმა ქართველმა ძალოსანმა ჯერ ევროპის ჩემპიონატი, შემდეგ ოლიმპიადა და ბოლოს მსოფლიოს ჩემპიონატი მოიგო.

ტალახაძემ ჩემპიონობისთვის და სხვადასხვა რეკორდების დამყარებისთვის ყველაზე დიდი თანხა ოლიმპიადაზე გამოიმუშავა. ჯამურად ყველა ტურნირზე ტალახაძემ დაახლოებით 2 მილიონი ლარი მიიღო.

ლაშას მთავარი მიზანი ოლიმპიადის მესამედ მოგებაა და პარიზში კვლავ შეეცდება ჩვენს გახარებას.

ნიკოლოზ ბასილაშვილისათვის 2021 წელი მისი კარიერის ერთ-ერთი გამორჩეული წელი იყო, ვინაიდან 2 ტიტულის, დოჰასა და მიუნხენის ტურნირების მოგება, შეძლო.

ნიკას ნახევარი ნაბიჯი დააკლდა მასტერსის ტიპის ტურნირის, ინდიან უელსის, მოგებამდე, თუმცა გარდამტეხ მომენტში ბედი კამერონ ნორის მხარეს გადაიხარა.

გამომუშავებული თანხის მხრივ, ნიკოლოზს მშვენიერი რეალობა აქვს – ჯამში, 2021 წელს, ქართველმა ჩოგბურთელმა 1,588,529 ამერიკული დოლარი გამოიმუშავა.

2021 წელი UFC-ს ქართველი მებრძოლებისთვის საკმაოდ წარმატებული გამოდგა, როგორც შედეგებით ასევე ფინანსურადაც.

1. გიგა ჭიკაძე - 276.000$ (2 ბრძოლა)
2. მერაბ დვალიშვილი - 186.000$ (2 ბრძოლა)
3. რომან დოლიძე - 68.000$ (2 ბრძოლა)
4. ილია თოფურია - 44.000$ (1 ბრძოლა)
5. ლიანა ჯოჯუა - 12.900$ (1 ბრძოლა)

წლის აღმოჩენა ლაშა ბექაური გახდა, რომელმაც ოლიმპიადის გარდა სხვა მნიშვნელოვან ტურნირებზეც შეძლო წარმატების მიღწევა. 21 წლის ძიუდოისტმა ჯამურად 1 მილიონ ლარზე მეტი გამოიმუშავა.

მსგავსი ვიდეო