როდესაც ცნობილი ჩემპიონისა გაქურდვას ცდილობ, დიდია შანსი იმისა, რომ ყველაფერი ისე არ წავიდეს, როგორც გეგმავდი. ასე მოხდა მიხალის ზაბიდის შემთხვევაშიც, როდესაც მან ორ ახალგაზრდას, ფაქტობრივად, მოზარდებს, თავისი სახლის გალავანზე წაასწრო.
ზამბიდისი სახლში ბრუნდებოდა, როდესაც დაინახა, რომ 17 წლის ბერძენი ბიჭი მის გალავანზე გადაძვრომას ცდილობდა. მან ჰკითხა, რას აკეთებდა იქ, პასუხად კი, აღტაცების შემდეგ, მიიღო: “მაიკ, შენ ხარ?! არა, არაფერი, ფოტოებს ვიღებ”. 17 წლის ბიჭს ჰყავდა თანამზრახველიც, რომელიც, პარალელურად, მეორე მხრიდან კარის გაღებას ცდილობდა. როდესაც მძარცველები მიხვდნენ, თუ ვის სახლში იყვნენ, შეშინდნენ. ამ დროს, ზამბიდისმა უთხრა: “ნუ შეეცდები გაქცევას, რადგან დაგეწევი და იძულებული ვიქნები, დაგარტყა.”
ამრიგად, მოკრივემ მოახერხა ორივე ახალაგზრდის მონაცემების შეგროვება, რადგან ისინი შიშისგან მაშინვე არ გაიქცნენ. მისმა პარტნიორმა გოგონამ ფოტოებიც კი გადაუღო და ჩაიწერეს მოტოციკლის ნომერიც, რომლითაც ქურდები ადგილზე მივიდნენ. ამის შემდეგ პოლიცია გამოიძახეს და ოფიცრების მოსვლამდე 1 წუთით ადრე ორივე გაიქცა. ცხადია, მათი იდენტიფიცირება მალევე მოხდა და დააკავეს.
ირკვევა, რომ 17 წლის ბიჭს კიდევ მინიმუმ 15 ქურდობა აქვს ჩადენილი.
ზამბიდისი ამბობს, რომ მსგავს სიტუაციებში უმნიშვნელოვანესია სიმშვიდის შენარჩუნება, რადგან ბიჭები არასრულწლოვნები იყვნენ, არც სახლში შესულან და არც ფიზიკურად დასხმიან თავს, ამიტომ პრობლემის მოგვარება იმ გზით გადაწყვიტა, რაც უკვე ზემოთ აღვნიშნეთ.
წყარო : Georgians.grскачать dle 12.1
