რა სამწუხარო ინფორმაცია გავრცელდა ახლახანს ბექაურთან დაკავშირებით ?

ბაქოს გრანდ სლემის მონაწილე ჩვენი დელეგაციის შემადგენლობა ბოლო დღეებში ლამის ყოველდღიურად იცვლება: ჯერ საერთო სია 12 კაცამდე შემცირდა; 23 ოქტომბერს ორი მოჭიდავისგან შემდგარი ქალთა გუნდი სულაც ჩაეხსნა; დიდი ალბათობით, ბაქოში არც ოლიმპიური და ევროპის ჩემპიონი ლაშა ბექაური (90) იჭიდავებს, ვინც აზერბაიჯანული ტატამის ნაცვლად, კვლავ კლინიკას მიაშურებს და ოლიმპიადის შემდეგ მისი დაბრუნება კვლავაც გადაიდება გაურკვეველი ვადით.

როგორც ძიუდოს ფედერაციაში გვითხრეს, მისთვის უკვე ოპერაციის დღეც ჩანიშნულა, თუმცა მხრსის ძველი ტრავმა, რომელიც ოლიმპიადის დროს აწუხებდა, ამჯერად არაფერ შუაშია - ლაშას თიაქარი აწუხებს და რაკი მწვრთნელებიდან ექიმთა ხელში გადაინაცვლებს, ბარემ, ჯანმრთელობის სხვა მცირე პეობლემებსაც მიხედავენ, რათა ბექაური დიდ სპორტს სრულ საბრძოლო მზადყოფნაში შეხვდეს. დიდი ალბათობით, ბაქოში მას ევროპისა და მსოფლიოს მესამე პრიზიორი ლუკა მაისურაძე შეცვლის - მოგეხსენებათ, ის უკვე გადავიდა 90 კილოგრამში, ოგორც მოგეხსენებათ, რეგისტრაციის ვადის ამოწურვის შემდეგ მოჭიდავეს ერთი წონის ხარჯზე სხვაში ვერ შეცვლი, თორემ ერთსა და იმავე წონაში მონაწილის შეცვლა შესაძლებელია.

შეგახსენებთ, ტურნირი 5-7 ნოემბერს ტარდება, ჩვენგან მხოლოდ ვაჟთა ნაკრები იასპარეზებს და ისიც გადახალისებული შემადგენლობით, მაგრამ ამ წუთისთვის ფედერაციას ოფიციალური განცხადება არ გაუკეთებია და სიაში ბექაური ისევ წერია.

60 კგ. ჯაბა პაპინაშვილი
66 კგ. ვაჟა მარგველაშვილი, ბაგრატ ნინიაშვილი
73 კგ. ჯუმბერ მელაძე
81 კგ. გიორგი შერაზადიშვილი, თორნიკე ფოლადიშვილი
90 კგ. ლაშა ბექაური, ბექა ღვინიაშვილი
100 კგ. ონისე სანებლიძე, მიხეილ ჯაფარიძე

მსგავსი ვიდეო