“კარგი ადამიანი ხარ კახი, ბრავო…” - ნახეთ როგორ დაეხმარება ლეგენდარული ქართველი ფეხბურთელი ბათუმში დაზარალებულებს

თბილისობისთვის დაგეგმილი ღონისძიება გაუქმდება და მისთვის გამოყოფილი თანხა გადაირიცხება ბათუმში მომხდარი ტრაგედიის დროს გარდაცვლილთა ოჯახებისა და დაზარალებულთა დახმარების ფონდში.

ამის შესახებ ინფორმაციას სოციალურ ქსელში ყოფილი ფეხბურთელი და ამჟამად თბილისის მერი კახა კალაძე ავრცელებს.

“ტრაგედია, რომელმაც მთელი ქვეყანა გააერთიანა, ყველას საერთო ტკივილია. თბილისი არის ქალაქი, რომელმაც არაერთხელ აჩვენა გაჭირვების დროს გვერდით დგომისა და სოლიდარობის მაგალითი.დღესაც, ამ მძიმე წუთებში, თბილისი დგას ბათუმის გვერდით.

ჩვენი გუნდის გადაწყვეტილებით, ღონისძიება, რომელიც სატელევიზიო ფორმატით თბილისობის აღსანიშნავად უნდა ჩატარებულიყო, გაუქმდება. გამოყოფილი თანხა კი გადაირიცხება ბათუმში მომხდარი ტრაგედიის დროს გარდაცვლილთა ოჯახებისა და დაზარალებულთა დახმარების ფონდში” – წერს კალაძე

მსგავსი ვიდეო