"ღვინოს თუ დავლვეv ყველას გცემთ" - ხაბიბმა ფერგიუსონი და ბიჭები შეაშინა
მანჩესტერ იუნაიტედი მსოფლიოში ერთ-ერთი ყველაზე ცნობადი კლუბია, კრიშტიანო რონალდოს ტრანსფერის შემდეგ კი მისი პოპულარობის მასშტაბმა მხოლოდ მოიმატა. 'ოლდ ტრაფორდს' ლეგენდები და ცნობილი ადამიანები ხშირად სტუმრობენ. ასე იყო შაბათს, ევერტონთან მატჩის დროსაც. უკვე ტრადიციული უსაინ ბოლტის ვიზიტის გარდა, იუნაიტედს იშვიათი სტუმარი ჰყავდა - შერეული ბრძოლების ლეგენდა ხაბიბ ნურმაგომედოვი.
ხაბიბმა კლუბის წევრები და ლეგენდები მოინახულა. ყველაზე საინტერესო მისი და სერ ალექს ფერგიუსონის შეხვედრა გახლდათ. სერ ალექსს მრავალწლიანი ტრადიცია აქვს - მისთვის პატივსაცემ სტუმრებს ის იქვე, სტადიონზე ღვინოზე ეპატიჟება. ასე მოხდა ხაბიბის შემთხვევაშიც. ხაბიბი ყვება, რომ მან შეთავაზებას იუმორით უპასუხა.
ნურმაგომედოვი: "ოლდ ტრაფორდზე ვიყავით პატრის ევრასთან, უსაინ ბოლტთან და სერ ალექს ფერგიუსონთან ერთად. ფერგიუსონმა ღვინო შემომთავაზა - მისთვის ეს კარგი აზრია. როგორ უნდა ამეხსნა ჩემი პოზიცია? შემეძლო, პირდაპირ მეთქვა, რომ მუსლიმი ვარ და ალკოჰოლს არ ვიღებ. შემეძლო, ასე მეთქვა: 'თუ დავლევ, აქ ყველას დაგანგრევთ და ეს კარგი იდეა არაა.' ასეც მოვიქეცი. ევრა და ბოლტი მაშინვე მიხვდნენ. სერ ალექსიც მიხვდა და მიპასუხა: 'არა, ჩვენ რომ 'მოგვდგე', ეგ ნამდვილად არ მინდა. უმჯობესია, არ დალიო."
ხაბიბის სტუმრობას სხვა სახალისო ეპიზოდებიც ახლდა. ერთ-ერთი მათგანი მასსა და რიო ფერდინანდს შორის მზერის გაცვლა იყო - MMA-ს სტილში.
.png)
