ფიფამ რეიტინგი განაახლა - რომელ ადგილზეა საქართველოს ნაკრები ?

ფიფას განახლებულ რეიტინგში საქართველოს ეროვნული ნაკრები 5 პოზიციით დაქვეითდა და 96-ე ადგილზეა. ვილი სანიოლის გუნდის ანგარიშზე 1240 ქულაა, რაც წინა შედეგზე (2021 წლის 12 აგვისტო) 23 ქულით ნაკლებია.

რეიტინგს 1832 ქულით კვლავ ბელგია ლიდერობს. 1811 ქულით მეორე ადგილზეა ბრაზილია. მესამე პოზიციაზე გადაინაცვლა ინგლისმა, რომელმაც საფრანგეთი ჩაანაცვლა. ხუთეულში, ასევე, ევროპის მოქმედი ჩემპიონი, იტალიის ნაკრები მოხვდა.

კოპა ამერიკის გამარჯვებული - არგენტინა ისევ მე-6 ადგილს იკავებს.

საქართველოს ნაკრები მომავალ შეხვედრას 9 ოქტომბერს გამართავს - ეროვნული გუნდი მსოფლიოს საკვალიფიკაციო ეტაპის მატჩში საბერძნეთს ბათუმში უმასპინძლებს.

მსგავსი ვიდეო