ტოკიოში მყოფი ქართველი ოლიმპიელები სკანდალში გაეხვნენ. ადგილობრივი მედიის ინფორმაციით, თამაშების ვერცხლის პრიზიორები, ძიუდოისტები ვაჟა მარგველაშვილი და ლაშა შავდათუაშვილი ამ დღეებში იაპონიის დედაქალაქის მთავარ ღირშესანიშნაობასთან - ტოკიოს ტელეანძასთან დააფიქსირეს. ფაქტის ამსახველი ფოტოები, სადაც ქართველი ძიუდოისტები არიან აღბეჭდილი, სოციალურ ქსელებში თვითმხილველებმა გაავრცელეს.

შეგახსენებთ, რომ ტოკიოს თამაშების მონაწილეებს ოლიმპიური სოფლის დაატოვება, ქვეყანაში დაწესებული კოვიდრეგულაციების გამო ეკრძალებათ. ქართველი სპორტსმენების ქმედებას იაპონელ ინტერნეტმომხმარებლებისგან მძაფრი კრიტიკა მოჰყვა. 
 
ამასთან, ოლიმპიადის საორგანიზაციო კომიტეტის წევრებს, 30 ივლისს გამართული რეგულარული ბრიფინგის დროს, აღნიშნულ ფაქტთან დაკავშირებით ჟურნალისტებმა შეკითხვა დაუსვეს.

საორგანიზაციო კომიტეტის წევრებმა კომენტარისგან თავი შეიკავეს, მაგრამ აღნიშნეს, რომ  სპორტსმენებისა თუ დელეგაციის სხვა წევრების მხრიდან დარღვევის თითოეულ ფაქტს ყურადღებით სწავლობენ და იძიებენ. 

წყარო : popsport.comскачать dle 12.1