იტალიელი მოსკოვში იმყოფება - ფრანჩესკო ტოტიმ ქართულ რესტორანში ისადილა

ფრანჩესკო ტოტიმ ქართულ რესტორანში ისადილა.

რომას და იტალიის ნაკრების ყოფილი ლიდერი ოჯახთან ერთად მოსკოვშია და სწორედ იქ ესტუმრა ქართულ რესტორანს - მეუღლე ილარი ბლაზისთან და მეგობრებთან ერთად. ბლაზიმ ინსტაგრამის საკუთარ გვერდზე სადილის ამსახველი რამდენიმე ვიდეო განათავსა, სადაც ჩანს, რომ ტოტის სხვადასხვა ქართული კერძების დაგემოვნებას დაჟინებით სთავაზობს.

"ჩვენ ქართულ რესტორანში ვართ. ეს არის ქათამი, ცოტა გასინჯე ფრანჩესკო!" - ეუბნება ილარი ბლაზი ტოტის.

"ხელიდან არ დაგივარდეს, გიჟი ხარ!" - პასუხობს ფრანჩესკო.

ბლაზი კი აგრძელებს და მას ახლა უკვე სხვა კერძის დაგემოვნებას სთხოვს: "შეუძლებელია, ეს არ გასინჯო!"

ილარი ქმარს სულგუნის ფირფიტებში გახვეულ ნადუღსაც სთავაზობს: "ჩემი აზრით, ეს რომ არ დააგემოვნო, არ შეიძლება".

ვიდეოში ჩანს ქართული ლიმონათი, 'ბორჯომი' და სხვა ქართული კერძებიც. ფრანჩესკო ტოტი და მისი მეუღლე მოსკოვში რამდენიმე დღეა სარეკლამო საქმეებზე იმყოფებიან.

მსგავსი ვიდეო