"ბასილაშვილი არ უნდა თამაშობდეს, რაიმე პროტოკოლი ხომ უნდა იყოს ? "- ენდი მარიმ ბასილაშვილის სასამართლო პროცესებთან დაკავშირებით კომენტარი გააკეთა

ქართველი ჩოგბურთელი ცენტრალურ კორტზე უიმბლდონის ორგზის გამარჯვებულს, შოტლანდიელ ენდი მარის დაუპირისპირდება.

34 წლის ბრიტანელმა თამაშამდე ერთი დღით ადრე პრესკონფერენცია გამართა. ერთ-ერთმა ჟურნალისტმა მარის შეკითხვა ბასილაშვილის სასამართლო პროცესთან დაკავშირებით დაუსვა. ვეტერანი ჩოგბურთელი აცხადებს, რომ უნდა ჩამოყალიბდეს პროტოკოლი, რომელიც ასეთი სასამართლო დავების დროს მოთამაშეებს ტურნირებზე გამოსვლის საშუალებას არ მისცემს.

“ამაზე რამდენიმე თვის წინაც ვისაუბრე, როცა ბასილაშვილისა და ზვერევის შესახებ შეკითხვა დამისვეს. ჩემი აზრით, ასეთი სასამართლო პროცესების მიმდინარეობისას პროტოკოლი უნდა მოქმედებდეს. ამ პროცესების შესახებ დეტალური ინფორმაცია არ ამაქვს. რაც მსმენია, ეს კარგი არ არის. ვფიქრობ, ასეთ საკითხებს ATP-იმ და ჩოგბურთის საერთაშორისო ფედერაციამ ყურადღება უნდა მიაქციოს”, – ციტირებს მარის სიტყვებს express.co.uk.

მსგავსი ვიდეო