"საქართველოში MMA-ს დარბაზს ავაშენებ" - მერაბ დვალიშვილი ქართველებს საჩუქარს უმზადებს
მერაბ დვალიშვილმა Facebook-ის ლაივ ჩართვაში თავის ქართულ გეგმებზე ისაუბრა.
მერაბმა აღნიშნა, რომ სამომავლოდ სამშობლოში MMA-ს დარბაზის აშენებას გეგმავს, რათა კიდევ უფრო მეტი მებრძოლი დაინტერესდეს ამ სპორტის სახეობით. "ქართველებს UFC-ში ძალიან გვაფასებენ. დაინტერესებულნი და გაკვირვებულნი არიან ჩვენი მებრძოლი სულით. ბევრი კარგი ახალი მებრძოლია საქართველოში. მათ გამარტივებული აქვთ UFC-ში მოხვედრა. ეს ჩვენი საერთო გამარჯვებაა".
"სპორტის პარალელურად, ვაპირებ საქართველოში ჩემი წვლილი შევიტანო MMA-ს განვითარებაში. მსურს, თანამედროვე ინფრასტრუქტურის MMA-ს დარბაზი ავაშენო და ხელი შევუწყო მომავალ თაობას ვარჯიშში".
.png)
