დიდი ტრაგედია - 19 წლის მოკრივე რინგზე მიღებული მძიმე დარტყმებისგან გარდაიცვალა(ვიდეო)
19 წლის იორდანიელი მოკრივე რაშიდ ალ-სვაისატი იმ ტრავმების შემდეგ გარდაიცვალა, რომელიც პოლონეთში გამართული ახალგაზრდული მსოფლიოს ჩემპიონატის ორთაბრძოლის დროს მიიღო.
აზიელი მოკრივე აღნიშნულ ტურნირზე 81 კგ-მდე წონით კატეგორიაში ესტონელ ანტონ ვინოგრადოვთან ჩხუბობდა, როდესაც მე-3 რაუნდში გონება დაკარგა და ბრძოლა ვადაზე ადრე შეწყდა.
ალ-სვაისატი საავადმყოფში იქნა გადაყვანილი, სადაც მას თავის ტვინზე ოპერაცია ჩაუტარდა და პირველ ეტაპზე მისთვის სიცოცხლის შენარჩუნება მოხერხდა, თუმცა, მომხდარიდან 11 დღის თავზე ახალგაზრდა მოკრივე გარდაიცვალა.
აღსანიშნავია, რომ პოლონელმა სამართალდამცავებმა მომხდარის გამო გამოძიებაც დაიწყეს. “გარკვეული პირების დაკითხვა იგეგმება და საქმეში პროკურატურაც ჩართულია. მოძიებული მასალების მიხედვით გადაწყდება, შემდგომში რა ნაბიჯები იქნება გადადგმული". წყარო : POPSPORT.COMскачать dle 12.1
.png)
