ორი დიდი გრანდი - კვარაცხელიას აგენტი მოლაპარაკებებს აწარმოებს

MATCH TV-ის კომენტატორი ნობელ არუსტამიანი სოციალურ ქსელში წერს, რომ რამდენიმე დღეში ხვიჩა კვარაცხელიას აგენტი მამუკა ჯუღელი იტალიაში გაემგზავრება, სადაც ის “მილანისა” და “იუვენტუსის” წარმომადგენლებს შეხვდება.

“ევროპული კლუბები ხვიჩასთან და მის წარმომადგენლებთან მოლაპარაკებებს იწყებენ. როგორც მე ვიცი, აგენტი მამუკა ჯუღელი რამდენიმე დღეში იტალიაში გაფრინდება, სადაც ის “მილანისა” და “იუვენტუსის” წარმომადგენლებს შეხვდება. მხარეები ხვიჩას შესაძლო ტრანსფერზე ისაუბრებენ. ასევე, სერიოზულ ინტერესს იჩენს “ნაპოლი”.

როგორც ამბობენ, ხვიჩას იტალიაში დიდ რეკლამას უკეთებს კახა კალაძე. “მილანის” ლეგენდას კვარაცხელიას პოტენციალზე ხშირად ეკითხებიან, ის კი ხვიჩას საუკეთესო რეკომენდაციით ეხმარება. კალაძე “მილანის” ტექნიკურ დირექტორ პაოლო მალდინისაც ესაუბრა. მალდინიმ თბილისში, საქართველო – ესპანეთის მატჩზე კლუბის წარმომადგენლები გამოაგზავნა”, – წერს ნობელ არუსტამიანი.

მსგავსი ვიდეო