საბურთალოს საფეხბურთო აკადემია მწუხარებას გამოთქვამს მიშო ახლოურის ტრაგიკულად გარდაცვალების გამო და უსამძიმრებს განსვენებულის ოჯახს.
 
„მიშო ჩვენს 19-წლამდელთა გუნდში 2018-2019 წლებში თამაშობდა, რის შემდეგაც სხვა გუნდში გადავიდა,“ – აღნიშნულია ინფორმაციაში.

შსს-მ ძმის მკვლელობაში ბრალდებული 21 წლის მამაკაცი უკვე დააკავა.
 
„შინაგან საქმეთა სამინისტროს თბილისის პოლიციის დეპარტამენტის საგამოძიებო მთავარი სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, 1999 წელს დაბადებული გ.ა. ოჯახის წევრის მიმართ ჩადენილი განზრახ მკვლელობის ბრალდებით დააკავეს.
 
დანაშაული 7-დან 15 წლამდე ვადით თავისუფლების აღკვეთას ითვალისწინებს.
 
გამოძიებით დადგინდა, რომ ბრალდებულმა ძმას – 2001 წელს დაბადებულ მ.ა.-ს, ურთიერთშელაპარაკების ნიადაგზე, ცივი იარაღის გამოყენებით სხეულზე ჭრილობა მიაყენა. დაჭრილი მამაკაცი სასწრაფო სამედიცინო დახმარების ჯგუფმა საავადმყოფოში გადაიყვანა, თუმცა მისი გადარჩენა ვეღარ მოხერხდა.
 
სამართალდამცველებმა დანაშაულის ჩადენის იარაღი – დანა ნივთმტკიცებად ამოიღეს.скачать dle 12.1