ხვიჩა კვარაცხელიამ რუსეთის პრემიერ ლიგაში დიდი ხნით დარჩენა გამორიცხა.

2020 წლის საქართველოს საუკეთესო ფეხბურთელმა აღნიშნა, რომ რუსეთში დიდხანს დარჩენას არ აპირებს, რადგან ევროპაში ბევრი კარგი გუნდი და ჩემპიონატია.

ეს ინფორმაცია ბუნებრივია რუსულ პრესაშიც დაიწერა და ადგილობრივ ქომაგებში განსხვავებული ემოციებიც აღძრა. აი, რას წერენ რუსი გულშემატკივრები ხვიჩა კვარაცხელიაზე.

„ვფიქრობ, ხვიჩა ზედმეტად გადაფასებულია. დრიბლინგს მხოლოდ დრიბლინგის გამო აკეთებს. არ იცის, რა გააკეთოს მეტოქის მოტყუების შემდეგ, დაყენებული დარტყმა არ აქვს, პასებსაც ისე რა არიგებს.

მეტიც, არსებობს რისკი, რომ წონაში დაიწყებს მატებას, მისი სათამაშო სტილისთვის კი +2-3 კილოგრამი უკვე ფინიშს ნიშნავს. ანუ, პერსპექტიულია და რაღაც, მაგრამ რაის 10 მილიონი ევრო, 5-6-ად წავა და ისიც კარგია.“

„სადაც უნდა იქ წავიდეს, ვინმე ახალგაზრდა რუსი მოთამაშე რომ იყოს, ნაკრებისთვის საინტერესო - კიდე კაი, მაგრამ ასე მას აღარავინ გაიხსენებს.“

„როგორ არ გაიხსენებენ, გეგონოს! თუ მისგან ვარსკვლავი დადგება და პირობითად ჩემპიონთა ლიგის ფინალებში გაიტანს გოლს, რუსი კომენტატორები ერთხმად დაიწყებენ ყვირილს: აი, „რუბინის“ ექს-ფეხბურთელი, რუსული პრემიერ ლიგის გამოშვება.“

„ასეთი რამდენი გვყოლია...“

„ისე, კარგად გადაუარა პრემიერ ლიგას. ცოტა ხო არ ჩქარობს? აქ ის მოთხოვნადია, კარგ კლუბში კარგ კონტრაქტზე თამაშობს, ხოლო ცხელ ევროპაში როგორ იქნება ჯერ უცნობია. შეიძლება, აქვე მოუწიოს დაბრუნება, სადაც მერე ამ გამონათქვამებს გაახსენებენ. ევროპაში რა თქმა უნდა ბევრი კარგი ლიგაა, აქ ის მართალია, მაგრამ კვარაცხელიას დონის იქ გაცილებით მეტი თამაშობს, ვიდრე რუსეთში.“

წყარო : goal.geскачать dle 12.1