"მაგ ქათამს ბოლოს მოვუღებ, სადმე დამალეთ" - ჩიმაევი მაკგრეგორს ემუქრება
კონორ მაკგრეგორი 23 იანვარს UFC-ში დასტინ პორიესთან რემატჩით ბრუნდება. ხოლო მანამდე, 'მებრძოლთა კუნძულზე' ორგანიზაციის ახალწვეული - ხამზატ ჩიმაევი ლეონ ედვარდსთან იჩხუბებს.
ჩიმაევი ნახევრად-საშუალო წონაში იბრძვის, სადაც დაუმარცხებელია და სადაც, ბოლო 3 ბრძოლა პირველ და მეორე რაუნდებში ადვილი ნოკაუტებით მოიგო.
წარმოშობით ჩეჩენ მებრძოლს და ხაბიბ ნურმაგომედოვს ერთი აგენტი ჰყავთ - ალი აბდელაზიზი. "თუ კუნძულზე შემხვდება, გპირდებით, რომ ეს უბრალოდ არ ჩაივლის" - ამბობს კონორზე ჩიმაევი.
"სადმე უნდა გადამალონ, ამჯერად ვეღარ გადამირჩება, როგორც ადრე მინდოდა მისი ცემა, ახლაც ზუსტად იგივე განწყობით ვარ." - ხამზატ ჩიმაევის თქმით, 2 წლის წინ დუბლინში იყო ჩასული, სადაც მაკგრეგორს ეძებდა.
"ეს მაშინ მოხდა, როდესაც ჯერ კიდევ მოყვარული ვიყავი. ხაბიბს და ზუბაირას (ტუხუგოვი) შეურაცხყოფა მიაყენა, შემდეგ ერთ-ერთ ჩეჩენ მებრძოლზე თქვა, რომ სპარინგის დროს გათიშა... ხალხს ეგონა, რომ დუბლინში მის დასახმარებლად ჩავედი, ხაბიბთან ბრძოლისთვის, რომ მომზადებულიყო."
.png)
