მებრძოლები, რომლებიც UFC-ს დატოვებასთან ახლოს არიან !
დანა უაითმა რამდენიმე დღის წინ განაცხადა, რომ ორგანიზაციაში დიდი წმენდა იწყება და თვის ბოლომდე ძალიან ბევრი სპორტსმენი დატოვებს UFC-ს. უაითმა ორგანიზაციიდან უკვე დაითხოვა იოელ რომერო და ანდერსონ სილვა. ორივე მათგანის წასვლის მიზეზად ასაკი და წაგებების სერია დასახელდა.
ბოლო ბრძოლაში დამარცხდა ტონი ფერგიუსონი, რომელიც უკვე 36 წლისაა და ზედიზედ ორი მარცხი აქვს. პრესკონფერენციაზე დანამ განაცხადა, რომ ტონის პრფორმანსით იმედგაცრუებული დარჩა და ჯობია ფერგიუსონმა ორგანიზაციის დატოვებაზეც იფიქროს.
UFC შესაძლოა დატოვოს ლიანა ჯოჯუამაც, ამის მიზეზი კი გახლავთ რამზან კადიროვი, რომელსაც ამერიკამ სანქციები დაუწესა და ეს შეზღუდვები მის კლუბ "ახმატსაც" შეეხება, სადაც სწორედ ჯოჯუა ვარჯიშობს. ლიანა თუ ამ კლუბში დარჩება, ამერიკაში ვერ ჩავა საბრძოლველად. ჯოჯუამ ბოლო ბრძოლა წააგო, თუმცა დანა უაითი შეპირდა რომ ერთ შანსს მაინც მისცემდა.
ბოლო ბრძოლაში დამარცხდა ლეგენდარული ჯუნიორ დოს სანტოსი, რომელსაც უკვე დიდი ხანია აღარ მოუგია და ორგანიზაციის დატოვება მოუწევს. ასევე ორგანიზაციის დატოვებასთან ახლოსაა დონალდ "კოვბოი" სერონე, რომელიც ვეღარ იგებს და ბოლო ბრძოლებში თითქმის სულ ნოკაუტით მარცხდება.
.png)
