2020 წლის ყველაზე ყურებადი და მოთხოვნადი მებრძოლი ცნობილია
გამოქვეყნდა სტატისტიკა, რომლის მიხედვითაც დადგინდა თუ რომელი მებრძოლი იყო 2020 წელს გულშემატკივრებისათვის ყველაზე მოთხოვნადი და ყურებადი.
აღსანიშნავია, რომ 2020 წელს კონორ მაკგრგეორმა იჩხუბა, თუმცა ისეთი დიდი რეიტინგი ვერ დადო როგორც გასულ წლებში. იგივე შეიძლება ითქვას ხაბიბ ნურმაგომედოვზე. მიუხედავად იმისა, რომ ხაბიბის უკანასკნელი ჩხუბი რეიტინგული იყო და მას მთელ მსოფლიოში უყურეს, პირველი ადგილი მაინც ვერ დაიკავა.
პირველ ადგილზე ხორხე მასვიდალი გავიდა, რომელიც უკვე ორი წელია ყველაზე მოთხოვნად და პოპულარულ მებრძოლად ითვლება. მისი ჩხუბის ყურებისათვის, რომელიც ხორხემ კამარუ უსმანთან გამართა, მილიონზე მეტმა ადამიანმა გადაიხადა ფული.