გურამ ქუთათელაძემ UFC-ში სადებიუტო შეხვედრა მოიგო. ქართველი მებრძოლი აქამდე დაუმარცხებელ პოლონელ მატეუშ გამროტს დაუპირისპირდა და მეტოქე გაყოფილი გადაწყვეტილებით დაამარცხა.

ბრძოლის დასრულების შემდეგ, ქუთათელაძე საკუთარი თავით უკმაყოფილო იყო და განაცხადა, რომ ეს ბრძოლა მისი არ იყო.

“ეს არ არის ჩემი ბრძოლა. ეს სისულელეა, ნომერ პირველი სისულელე. მე პატიოსანი ადამიანი ვარ. მეც და ამ ბიჭმაც ბევრი ვიშრომეთ, მაგრამ ეს ბრძოლა ჩემი არ იყო. რამდენი თეიქდაუნი გააკეთა ამ ბიჭმა? ვწუხვარ ამის თქმა რომ მიწევს, მაგრამ ეს არ იყო ჩემი ბრძოლა. არ ვიცი, როგორ დაწერეს მსაჯებმა ქულები. მადლობა, რა თქმა უნდა. ბედნიერი არ ვარ, რადგან ეს ის არ არის, რასაც ველოდი. გამროტ, ძმაო, მადლობა. მე გითხარი, რომ ეს ბრძოლა შენი იყო”, – განაცხადა ქუთათელაძემ.

მსაჯების გადაწყვეტილებასა და გურამის ინტერვიუს სოციალურ ქსელში ათასობით პოლონელი გულშემატკივარი გამოეხმაურა :

"მსაჯებს სირცხვილი, ეს ბრძოლა აშკარად გამროტმა მოიგო. პატივისცემა გურამს აღიარებსიათვის"
"ქუთათელაძის მხრიდან დიდებული საქციელი იყო, აშკარა უპირატესობით დაამარცხა გამროტმა ქართველი"
"მიუხედავად იმისა რომ გამროტი ჩვენიანია, გურამმა დაიმსახურა გამარჯვება. ორი რაუნდი აშკარა უპირატესობით მოიგო"
"მსაჯები ბრმები არიან? ეს გამარჯვება გამროტს ეკუთვნოდა"
"გამროტი მაინც დაუმარცხებელ დარჩება ჩემთვის, ეს წაგება არ არის"
"დიდი პატივისცემა გურამს"скачать dle 12.1