ტოპ 10 გოლიათი MMA-ში, ვისთანაც დაპირისპირება არავის არ სურს

ჩოი ჰონგი - 218 სანტიმეტრი და 159 კილოგრამი

ჩოი ჰონგმა კარიერა უკვე დაასრულა. კორეელ გოლიათთან დაპირისპირება არავის არ სურდა. მიუხედავად მისი სიმაღლისა, ჰონგი ძალიან ტექნიკური იყო და სიმაღლეს კარგად იყენებდა. მისი ყველაზე ნახვადი ბრძოლა ფიოდორ ემელიანენკოსთან შედგა, სადაც "იმპერატორმა" კორეელი გოლიათი დაამარცხა.

ანდრე რენე მუსიმოფი - André the Giant - 224 სანტიმეტრი

გიგანტმა ანდრემ MMA-ში მხოლოდ ერთი შეხვედრა გამართა და დამარცხდა. მიუხედავად მისი ასეთი მწირი სტატისტიკისა, ფრანგ მეტოქესთან რამდენიმე მებრძოლმა ბოლო წუთზე ჩხუბი გადაიფიქრა. ერთ ერთმა მათგანმა კი განაცხადა, რომ რინგზე სიკვდილი არ სურდა. ანდრე 1993 წელს გარდაიცვალა.

იოკოძუნა აკებონო - 203 სანტიმეტრი და 233 კილოგრამი

ძალიან ცნობილმა სუმოისტმა წარსულში ბედი MMA-შიც ცადა, სადაც ფეხის მოკიდება ვერ შეძლო. 4 გამართული ცხუბიდან აკებონო ოთხივეში დამარცხდა. მიუხედავად სტატისტიკისა, მის ჩხუბებს მილიონობით ნახვა აქვს.

ემანუელ იარბრუ - 203 სანტიმეტრი და 273 კილოგრამი

ამერიკელი გოლიათი წარსულში დიდი პოპულარობით სარგებლობდა. ის იყო პირველი შავკანიანი, რომელიც სუმოში გამოდიოდა. ემანუელმა MMA-ში სამი შეხვედრა გამართა ( 1 გამარჯვება, 2 მარცხი ) იარბრუ 2015 წელს 51 წლის ასაკში დაიღუპა.

ალექსანდრუ ლუნგუ - 182 სანტიმეტრი და 163 კილოგრამი

რუმინელი გიგანტის სტატისტიკა ასე გამოიყურება : 17 გამარჯვება და 5 მარცხი. ბოლოს ალექსანდრუ 2018 წელს გამოვიდა ოქტაგონზე, სადაც მეტოქე მტკივნეული ილეთით დაამარცხა.

ალან კარაევი - 201 სანტიმეტრი, 181 კილოგრამი

რუსმა გოლიათმა MMA-ში 5 შეხვედრა გამართა, საიდანაც მხოლოდ ორში იმარჯვა.

ერიკ ეში - 180 სანტიმეტრი, 171 კილოგრამი

ერიკ ეში ძალიან ძლიერი მებრძოლი იყო. სასიხარულოა რომ "ბათერბინის" დამარცხება თენგიზ თედორაძემ შეძლო. ერიკმა კარიერაში 15 გამარჯვება მოიპოვა, 10-ჯერ კი დამარცხდა.

იოშიჰირო ტაკაიამა - 195 სანტიმეტრი და 114 კილოგრამი

იაპონელი გიგანტი 2000-იან წლებში გამოდიოდა ოქტაგონზე, თუმცა მოლოდინს ვერასდროს ვერ ამართლებდა. მან მხოლოდ 1 გამარჯვება მოიპოვა, ოთხჯერ კი დამარცხდა.

სემი შილტი - 210 სანტიმეტრი და 116 კილოგრამი

გოლიათი ნედერლანდებიდან, რომელმაც კარიერაში 26 გამარჯვების მოპოვება შეძლო ( 15 ნოკაუტი ) სემი ის იშვიათი გიგანტი მებრძოლია, რომელსაც კარიერაში საკმაოდ კარგი ბალანსი აქვს. ( 26 გამარჯვება და 14 მარცხი )

ბობ საპი - 195 სანტიმეტრი და 149 კილოგრამი

"მხეცმა" კარიერაში მხოლოდ 12 გამარჯვება მოიპოვა და 20-ჯერ დამარცხდა. ბობს კარიერის საოცარი დასაწყისი ჰქონდა, თუმცა 2009 წლიდან ვითარება საგრძნობლად შეიცვალა. საპმა 2009 წლიდან 2018 წლამდე გამარჯვების მოპოვება ვერ შეძლო და ყველა ჩხუბში დამარცხდა. 2018 წელს კი ორწლიანი პაუზის შემდეგ მსაჯების გადაწყვეტილებით იმარჯვა.