ცნობილმა იაპონურმა გამოცემა Japan Times-მა ჰაცუ ბაშოს შესახებ სტატია გამოაქვეყნა, სადაც გარკვეული ნაწილი ქართველ სპორტსმენებსაც დაეთმო.

ავტორის აზრით, ქართველი სუმოისტების ეპოქა იაპონიაში დასრულდა და სულ მალე სუმოს ელიტაში არცერთი ქართველი სპორტსმენი აღარ იქნება.

მოგეხსენებათ, იმპერატორის თასის მოპოვების შემდეგ ლევან გორგაძე ტრავმებმა გააწამა, რის გამოც ოძეკის წოდებიდან დაქვეითდა.

გამოცემის ცნობით, მსგავსის გაგრძელების შემთხვევაში ლევანი უახლოეს მომავალში დაასრულებს კარიერას.

კიდევ უფრო ცუდი მდგომარეობა აქვს თეიმურაზ ჯუღელს, იგივე გაგამარუს, რომელიც ასევე ტრავმებისგან გაწამებულია და ძირითადად მოგების ნაცვლად, მარცხდება.

ამრიგად, ლევან ცაგურიას მიერ დაწყებული 19-წლიანი ქართული სუმოს ისტორია იაპონიაში შესაძლოა ძალიან მალე დასრულდეს.скачать dle 12.1