კორონავირუსის პანდემიისა და მსოფლიოში არსებული მძიმე მდგომარეობის შემდეგ, გულშემატკივარს სპორტული აქტივობები ეტაპობრივად უბრუნდება. ამჯერად, ცნობილი გახდა, რომ სუმოს მოყვარულები ივლისის ბაშოს ხილვას 19 ივლისიდან შეძლებენ.

შეგახსენებთ, რომ რამდენიმე თვის წინ, კორონავირუსის პანდემიის გამო მაისის ბაშო გაუქმდა. ნაცუ ბაშო ჩანიშნული იყო 24 მაისს, იაპონიის დედაქალაქი ტოკიოში.

სუმოს ასოციაციის ინფორმაციით, აღნიშნული გადაწყვეტილება მასპინძელ ქვეყანაში არსებულ მდგომარეობას უკავშირდებოდა. ბაშოს გაუქმება სუმოს ისტორიაში მესამედ მოხდა - პირველად 1946 წელს,  როდესაც მეორე მსოფლიო ომის შემდეგ  კოკუგიკანის სასახლის რეაბლიტიაცია ვერ მოესწრო, ხოლო მეორედ 2011 წელს, სუმოს სამყაროში დატრიალებული გემბლინგ სკანდალის გამო.скачать dle 12.1