8 ივნისს, თბილისის საქალაქო სასამართლოში პროცესი გაიმართა, სადაც ნიკოლოზ ბასილაშვილის მხარე ითხოვდა მისი და მისი ოჯახის წევრების მიმართ გამოცემული შემაკავებელი ორდერების გაუქმებას.

არასამთავრობო ორგანიზაცია “პარტნიორობა ადამიანის უფლებებისთვის” ცნობით, სასამართლომ ბასილაშვილის მხარის მოთხოვნა არ დააკმაყოფილა. ეს იმას ნიშნავს, რომ ნელი დოროყაშვილისა და მისი არასრულწლოვანი შვილის დასაცავად გამოცემული ყველა შემაკავებელი ორდერი ძალაში რჩება.

“თბილისის საქალაქო სასამართლომ თქვა, რომ შინაგან საქმეთა სამინისტროს მხრიდან გამოცემული ყველა ორდერი ძალაში უნდა დარჩეს. იმიტომ რომ ის არის კანონიერი, ის ეხებოდა სამართლიან საფუძვლებს. რაც ნიშნავს იმას, რომ ძალადობა ოჯახში ჩადენილია,” – აცხადებს დოროყაშვილის უფლებების დამცველი, ანა აბაშიძე.скачать dle 12.1