მერაბ დვალიშვილი რიკი საიმონს : “დამიბრუნე ის გამარჯვება, რომელიც მომპარე”
UFC-ის ქართველმა მებრძოლმა, მერაბ დვალიშვილმა რიკი საიმონს რეი ბორგის წინააღმდეგ გამართულ შეხვედრაში გამარჯვება მიულოცა.
ქართველმა სპორტსმენმა საიმონს სოციალურ ქსელში მიმართა და ის გამოიწვია.
“დღეს კარგად იბრძოლე. ახლა დამიბრუნე ის გამარჯვება, რომელიც მომპარე. რემატჩის დროა. ჭიდაობა შენია? მე ასე არ ვფიქრობ… ნება მომეცი, ჩემ მიერ დამყარებული თეიქდაუნების რეკორდი თავადვე გავაუმჯობესო შენ წინააღმდეგ ბრძოლაში”, – წერს დვალიშვილი.
მერაბი რიკი საიმონს 2018 წლის აპრილში დაუპირისპირდა. მაშინ, მსაჯების გადაწყვეტილებით, გამარჯვება საიმონს დარჩა.
.png)
