"ნურმაგომედოვი კომაშია და კორონავირუსი დაუდასტურდა" - სპორტული სამყარო შოკშია

მსუბუქ წონაში UFC-ის ჩემპიონის ხაბიბ ნურმაგომედოვის მამას და მწვრთნელს აბდულმანაპ ნურმაგომედოვს კორონავირუსი დაუდასტურდა.

ტელეგრამარხი Baza იუწყება, რომ უფროსმა ნურმაგომედოვმა ვარჯიშის შემდეგ თავი შეუძლოდ იგრძნო. აქამდე ექიმებმა მას ვარჯიში აუკრძალეს.

თავდაპირველად აბდულმანაპ ნურმაგომედოვს ვირუსული პნევმონია აღმოუჩინეს, მწვრთნელი კორონავირუსზე ტესტის ჩატარებაზე უარს ამბობდა.

მაისის დასაწყისში მისი ჯანმრთელობის მდგომარეობა გაუარესდა. ხაბიბმა მამა მახაჭყალიდან მოსკოვში გადაიყვანა, სადაც მას СOVID-19 დაუდგინეს.

როგორც ცნობილია, აბდულმანაპი ამჟამად კომაშია.

მსგავსი ვიდეო