UFC-ს დროებითი საჩემპიონო ქამრის პრეტენდენტმა, ტონი ფერგიუსონმა ინსტაგრამზე ვიდეო გამოაქვეყნა, სადაც ჯასტინ გეიჯისთან UFC 249-ს ფარგლებში გასამართი ბრძოლის შესახებ საუბრობს.

"არ ვიცი, რის მიღწევას ვცდილობ, მაგრამ ზუტად ვიცი, რომ როდესაც მოახლოებული ბრძოლის შესახებ ვსაუბრობთ, ხალხი კვლავ იღიმება. არ აქვს მნიშვნელობა, ვის წინააღმდეგ მომიწევს ბრძოლა. გამოვალ და ჩემს საქმეს შეუდარებლად გავაკეთებ.

ხაბიბი უნდა გამენადგურებინა, მაგრამ ის გაუჩინარდა და მე ჯასტინ გეიჯი მყავს, რომელსაც "ჰაილაითს" ეძახიან. მე მას ვაჩვენებ, რა არის ნამდვილი ჰაილიაითი. გეიჯის ისე ვცემ, რომ ვარსკვლავებს დაინახავს.

არაფერი მაქვს სათქმელი ხაბიბისა და კონორისთვის. რამდენადაც ვხვდები, ორივე ყოფილი ჩემპიონია.ეს ნამდვილი კაცების სპორტია, ისინი კი მშიშრები და სუსტები არიან", - ამბობს ფერგიუსონი.

შეგახსენებთ, რომ თავდაპირველად UFC 249-ზე ტონი ფერგიუსონს ხაბიბ ნურმაგომედოვის წინააღმდეგ, ბრუკლინში უნდა ებრძოლა, თუმცა მოქმედმა ჩემპიონმა განაცხადა, რომ კორონავირუსის გამო აშშ-ში გამგზავრებას ვერ ახერხებს და ბრძოლა უკვე მეხუთედ ჩაიშალა.

ნურმაგომედოვის ნაცვლად, ტონი ფერგუსონთან დროებითი ჩემპიონობისთვის ჯასტინ გეიჯი იბრძოლებს, ხოლო გამარჯვებული ხაბიბ ნურმაგომედოვს საჩემპიონო ბრძოლაში დაუპირისპირდება.скачать dle 12.1