ერთ-ერთ წამყვან კვიპროსულ გამოცემას საქართველოს ეროვნული ნაკრებისა და ამჟამად "ანორთოსის" მწვრთნელმა თემურ ქეცბაიამ ინტერვიუ მისცა, სადაც მსოფლიოში ამჟამად შექმნილი ვითარების შესახებ რამდენიმე აქცენტი გააკეთა.

ქებაიას თქმით, ჩემპიონატის შედეგების გაუქმება დიდი შეცდომა იქნება. ასევე ის თვლის, რომ თვითიზოლაციაში დარჩენა ახლა საუკეთესო გამოსავალია ვირუსთან საბრძოლველად.

"სახლში ვართ მე და ჩემი მეუღლე, ხოლო შვილი ინგლისშია. ვცდილობთ, გარეთ არ გავიდეთ და რაც შეიძლება ნაკლებ ადამიანთან გვქონდეს კონტაქტი".

"ვფიქრობ, სეზონი არ უნდა გაუქმდეს. ფედერაციიდან გვეუბნებიან, რომ ტურნირი გაგრძელდება, თუმცა როდის, ჯერ უცნობია".

"რაც შეეხება უშუალოდ კორონავირუსს, ეს მსოფლიოსთვის დიდი გამოწვევაა. ვერ ვიფიქრებდი, თუ ეს ყველაფერი 21-ე საუკუნეში მოხდებოდა. მე იმ ქვეყნიდან ვარ, რომელმაც ომები გამოიარა. თუმცა, მაინცაა შიში, რომ ეს ყველაზე დიდი პრობლემა იქნება". - აცხადებს თემურ ქეცბაია.скачать dle 12.1