რამდენიმე წლის წინ, ესპანელმა მსაჯმა, ხესუს ტემილიერომ სახალხოდ განაცხადა, რომ გეია. როგორც ის ამბობს, ამის შემდეგ მისი ცხოვრება ჯოჯოხეთად იქცა. 

ერთ-ერთ შეხვედრაში, როდესაც ტემილიერომ შეცდომა დაუშვა, გუნდის ადმინისტრატორმა კი მას გინება დაუწყო და საშინელ რაღაცებს ეუბნებოდა. მსაჯმა გადაწყვიტა, რომ სასამართლოში სარჩელი შეეტანა. ესპანეთის სასამართლომ დამნაშავეს 50-ევროიანი ჯარიმა დააკისრა და 3-მატჩიანი დისკვალიფიკაციაც მიუსაჯა. 

"დაბრუნების შემდეგ ვითარება არ შეცვლილა. ვისაც არ დაეზარა, ყველა შეურაცხყოფას მაყენებდა. შემოდიოდნენ ჩემი ფეისბუქისა და თვითერის გვერდებზე და მლანძღავდნენ. ზოგი მოკვლითაც კი მემუქრებოდა. მოკლედ, ცხოვრება ჯოჯოხეთად მექცა. იცით, რა იყო ყველაზე ცუდი? თამაშის დროს, ტრიბუნიდან ფეხბურთელის მამამ დაიყვირა, ეს ხომ ის გეი მსაჯია, ტელევიზორში რომ აჩვენესო და ყველამ დამცინა". - აცხადებს 23 წლის რეფერი скачать dle 12.1