საქართველოს ეროვნული ნაკრების ყოფილი ფეხბურთელი, დავით თარგამაძე კარიერას ეროვნული ლიგა 2-ის “შევარდენ 1906”-ში გააგრძელებს.
თარგამაძე ხვალ მის ყოფილ გუნდს, ბოლნისის “სიონს” დაუპირისპირდება, სადაც გასული სეზონი გაატარა და 26 მატჩში 1 გოლი გაიტანა.

თარგამაძე წლების განმავლობაში უკრაინაში გამოდიოდა, იყო დონეცკის “შახტარის” წევრი, თუმცა თავისი გამოჩენის საშუალება ამ გუნდში არ მისცემია. საქართველოში 2018 წელს “საბურთალოში” დაბრუნდა, შემდეგ იყო “სიონი”, რომელთან ერთადაც ეროვნულ ლიგა 2-ში გავარდა (ამ პერიოდში “ცეკვავენ ვარსკვლავების” ფინალში გავიდა) და ახლა უკვე “შევარდენი”.

საინტერესოა, რომ თარგამაძესთან ერთად “იუნკერებში” “ტორპედოს” ყოფილი ნახევარმცველები, ნიკა ქორიძე და ლუკა კობერიძე და 36 წლის გოგიტა გოგუა ითამაშებენ.

თარგამაძის ახალ კლუბთან დაკავშირებით სოციალურ ქსელში არაერთი კომენტარი დაიწერა.

"ცეკვავენ ვარსკვლავებმა სულ დაღუპა."
"აბა სუხიშვილებში არ აიყვანეს"
"ჯობდა ისეც ცეკვას გაყოლოდა"

скачать dle 12.1